Numero 5:8 - Manobo Western Bukidnon OT

⁸ Piru ke minatey en haazà is etew he neveelan te mezaat, ne wazà daan megeget he kezuzumahi zin he iyan edawat kayi he vayad, ne haazà is bayad gaked en te Nengazen, ne kinahanglan he ibeǥey haazà diyà te memumuhat duma te kerehidu he ibpemuhat dutun te memumuhat su para mepesaylu is salà dutun he etew.

Numero 5:8 ပူးပေါင်းရင်းမြစ်များ

2 Hadì 12:16

Is selapì he imbeǥey zuma te menge halad su imbayad te salà wey is menge pemuhat he para idlumpiyu, wazà haazà iahuk duen te kahun diyà te valey te Nengazen, su para zà haazà te menge memumuhat.

Leviticus 5:16

Ne ǥawas dutun te kerehidu, kinahanglan he ebeyazan din sikan is wazè din ikeveǥey te Nengazen, ne umani zin pa te 20 pursintu is bali zutun te wazè din ikeveǥey. Ne iveǥey zin haazà is langun diyà te memumuhat he iyan ebpemuhat duen te kerehidu para mevelukasi sikandin te salè din, ne ebpeseyluwen sikandin te Nengazen.

Leviticus 6:5

etawa minsan hengkey he menge azen he impengulivet din he wazà diyà te kandin, piru is tutuu, ziyè bes te kandin. Kinahanglan he iulì din heini ziyà te teǥiǥaked he wazà meterini, ne umani zin pa te 20 pursintu is bali kayi. Iveǥey zin heini ziyà te teǥiǥaked dutun te andew te kebpemuhat din te pemuhat he vayad te salè din.

Leviticus 7:7

Ebpeked-iring dà is sulunuzen mehitenged te pemuhat he para idlumpiyu wey te pemuhat he vayad te salà: is usa kayi he menge pemuhat gaked en te memumuhat he nemuhat kayi.

Numero 5:7

Kinahanglan he idtug-an din is salà he neveelan din, ne veyazi zin te hustu he vayad is azen he migkuwa zin etawa midezeetan din, ne haazà is hustu he vayad din ne umani zin pa te 20 pursintu is bali zutun. Iveǥey zin heini is langun diyà te etew he neselaan din.

Numero 5:9

Is langun he segradu he menge gasa he ed-uwiten te menge Israilihanen diyà te memumuhat, gaked en te memumuhat.