Numero 5:3 - Manobo Western Bukidnon OT

³ Maama etawa vahi ne ipeǥawas niw sikandan su wey zan kenà meremeriki is kampu zan, he iyan ed-ubpaan ku duma keniyu.”

Numero 5:3 ပူးပေါင်းရင်းမြစ်များ

Salmo 68:18

Hein mibpeketikang sikandin, mahabet he menge vihag is mid-uwit din, ne midawat din is menge gasa he ebpuun diyà te menge etew, minsan is ebpuun diyà te mesinupaken kandin. Ne kayi te kenitew ed-ubpà is Nengazen he Megbevayà.

Exodus 25:8

Ipevaal nu sikandan te tulda he zutun a ed-ezapa, ne edlumun a ziyà te kandan.

Exodus 29:45

Edlumun a keniyu te menge kevuwazan ni Israel ne egkehimu a he Megbevayè niw.

Isaias 12:6

Ugyab kew wey megkanta te kelipey, is menge etew te Jerusalem. Su mekeǥeǥehem is Waǥas he Megbevayà te Israel he iyan duma niw.”

Leviticus 14:8

Piru te kenè pa ibpetuenan he lumpiyu en sikandin, kinahanglan he pìpii zin dèpa is bisti zin, kiskisi zin is langun he vulvul zin wey berehibu, ne mebpemeziǥù sikandin. Ne egkehimu en sikandin he edseled diyà te kampu piru kenà sikandin med-ubpà diyà te tulda zin seled te pitu he andew.

Leviticus 15:31

Migkeǥiyan te Nengazen si Moises wey si Aaron he kinahanglan he ebpekeventayan te menge Israilihanen is mehitenged te igkehimuwa kandan he meremerik, su wey zan kenà mebpatey emun edseled sikandan diyà te tulda te Nengazen he ziyà te teliwazà te kampu.

Numero 16:3

Midsevaha sikandan medhendiyà te ki Moises wey ki Aaron, he ke sikandan te, “Subre en heini is ebeelan niw kenami! Maan is ibpelavew niw is keugelingen niw kayi te mahabet he menge etew te Nengazen he mibpilì man pezem te Nengazen is tivuuk he menge Israilihanen he ebpenilbi kandin ne ebpekiduma zaan sikandin kayi?”

Numero 19:22

Is minsan hentei etawa minsan hengkey he egkesamsam te etew he meremerik, ne ebmeremerik daan taman te egkesakep.”

Numero 35:34

Umbe, kenè niw remeriki is tanà he ed-ubpaan niw. Su siak mismu is Nengazen, mibpekid-amur a keniyu te menge Israilihanen.”

Numero 5:4

Umbe, impeǥawas te menge Israilihanen haazà he menge etew ziyà te kampu su iyan haazà insuǥù te Nengazen ki Moises.

Deuteronomio 23:14

Su is Nengazen he Megbevayè niw edliǥuyliǥuy ziyà te kampu niw te kedlibri keniyu wey ibeǥey zin diyà te keniyu is menge kuntada niw. Umbe kinahanglan he lumpiyu is kampu niw su para wazè din egkaahà he kenà meupiya, su para kenè kew zin ewai.

Deuteronomio 23:15

“Emun duen uripen he ebpeleǥuyan din is egalen din ne ziyà edangep te kenikew, ne kenè nu sikandin teǥela te kedlikù diyà te egalen din.