Numero 5:25 - Manobo Western Bukidnon OT

²⁵ Ne egkuwaan duen te memumuhat puun te velad dutun te vahi sikan is pemuhat he para gasa he pemuhat para te kebpengelikud te esawa zin, ne ibayew heini zutun te memumuhat diyà te etuvangan ku, ne ed-uwiten din diyà te pemuhatà.

Numero 5:25 ပူးပေါင်းရင်းမြစ်များ

Exodus 29:24

Ne peǥewezi nu haazà is langun ki Aaron, wey te menge anak din he maama, ne ivayew zan haazà kayi te etuvangan ku su pemuhat haazà he ibayew.

Numero 5:18

Ibpehitindeg dutun te memumuhat haazà is bahi ziyà te etuvangan ku, ibpeperuvey te memumuhat haazà is bahi ne ibpetepayà kandin sikan is pemuhat he gasa he para metueni ke nekesalè be sikandin wey ke wazà. Pemuhat heini te esawa zin te kebpengelikuzi zin kandin. Ne kegkepasad dutun, egewazan dutun te memumuhat sikan is midteǥuan te wahig he mepait he ed-uwit te rawak.

Numero 5:24

Ne ibpeinum din dutun te vahi haazà is mepait he wahig he ed-uwit te rawak, su para mekaantus sikandin te utew merasey he egkeuwit dutun emun tutuu he nekesalà sikandin.

Numero 5:26

Egkuwa haazà is memumuhat te sengekemkem dutun te pemuhat he para metueni ke nekesalè be haazà is bahi etawa wazà, ne edtutungen din duen te pemuhatà. Ne kegkepasad dutun human din ibpeinum duen te vahi sikan is wahig.