Numero 5:14 - Manobo Western Bukidnon OT

^14-15 Emun edhaled is esawa zin he tutuu he zuen mibeelan din he mezaat, etawa ebpengelikud is maama piru wazà mezaat he mibeelan duen te vahi, kinahanglan he ed-uwiten sikandin duen te maama ziyà te memumuhat ne kinahanglan he ed-uwit haazà is maama te pemuhat he para te esawa zin he zezuwa he kilu he herina he barli, ne kinahanglan he kenè din heini edsehuǥan te lana etawa veyewà su pemuhat heini he gasa he ibpemuhat din tenged te kebpengelikuzi zin te esawa zin. Pemuhat heini para metueni ke nekesalè be is esawa zin etawa wazà.

Numero 5:14 ပူးပေါင်းရင်းမြစ်များ

Erubasa 6:34

Ne is ebpengelikud he teǥiesawa zutun te vahi he edhilevetan, ne utew egkererengiti, ne wazè din en kegkehizu emun ebelesan din is midsalàsalà diyà te kandin.

Solomon 8:6

Kenè ke en mahal te zuma, kekenà, iyan e zà kenikew mahala. Kenè ke en kepkep te zuma, kekenà, iyan e zà kenikew kepkepi. Su is kebmahal, iring is gehem din te kemetayen; is keinit te egkeǥezam ta ne kenà egkeeǥen iring te kebpekeuma te kemetayen. Is kebmahal iring te egkeregreg wey edriyubriyub he hapuy.

Zefanias 3:8

“ ‘Umbe, sikiyu is menge metinumanen he menge tig-Jerusalem, teǥazi niw zà is kebpeheyaǥa ku te salà te menge nasyun. Su midisisyun ad he edtiǥumen ku is menge etew ziyà te menge nasyun wey menge ginhedian su wey ku ikepeǥezami kandan is utew ku kegkepauk he iring te hapuy he ebpekeepur te tivuuk he kelibutan.

Numero 5:30

etawa edhaled is maama te esawa zin, ne tenged dutun kinahanglan he ibpehitindeg te memumuhat is bahi ziyà te etuvangan ku ne ebeelan diyà te kandin heini he menge kesuǥuan.