Numero 4:5 - Manobo Western Bukidnon OT

⁵ Emun ed-awè kew zutun te kampu niw, kinahanglan he edseled si Aaron wey is menge anak din duen te Tulda ne egkuwaan dan is kurtina ziyà te seled, ne idtambun dan heini zuen te Kavan te Kebpekid-uyun.

Numero 4:5 ပူးပေါင်းရင်းမြစ်များ

1 Cronica 15:15

Mibinting te menge Levihanen haazà is Kavan te Kebpekid-uyun te Megbevayà sumalà te insuǥù te Nengazen ki Moises.

1 Cronica 23:26

Umbe, kenè en kinahanglan he ed-uwiten pa te menge Levihanen sikan is Tulda he Ed-ezapan wey is menge ǥelemiten dutun.”

2 Cronica 3:14

Is kurtina he nekaalang duen te Utew Segradu he Lugar manggad he linu he imburda zutun is meitem is kaavuavu zin, merudtem wey kanggan, imburda zaan dutun is kirubin.

Exodus 36:35

Ne mibaal sikandan te kurtina he linu, ne miburdahan te welin he meitem is kaavuavu zin, merudtem wey kanggan, ne mibpurungan burdahi te zagwey te kirubin.

Exodus 40:3

Iseled niw zutun sikan is Kavan te Kebpekid-uyun, ne elangi niw te kurtina.

Exodus 40:5

Isavuk niw sikan is pemuhatà he vulawan he edtutungan te veyewà diyà te etuvangan duen te Kavan te Kebpekid-uyun, ne itaud niw is kurtina ziyà te gemawan duen te Tulda he Ed-ezapan.

Isaias 25:7

Ne kayi zaan he vuvungan, id-awè te Nengazen is kegkeseeng te menge etew ziyà te langun he menge nasyun.

Numero 10:14

Is grupu he midhuna he uwiten dan is bendira zan iyan is grupu he ebpenguluwan te tribu ni Juda. Is pengulu zan iyan si Nashon he anak ni Aminadab.

Numero 4:15

“Emun egkepasad en ni Aaron wey te menge anak din te edtambun sikan is Tulda he Edtelevukaayan wey is langun he menge gelemiten kayi, ne edtivalen heini te menge kevuwazan ni Kohat dutun te timpu te ked-awè niw puun te kampu niw. Piru kinahanglan he kenè dan semsama heini is segradu he menge vutang su wey zan kenà mebpatey. “Iyan haazà sikan is menge gelemiten duen te Tulda he Edtelevukaayan he ed-uwiten te menge kevuwazan ni Kohat.

Numero 4:4

“Is buluhaten te menge kevuwazan ni Kohat diyà te Tulda he Edtelevukaayan iyan is ked-atur te utew segradu he menge vutang.

Numero 7:9

Piru wazà mulà beǥayi ni Moises te kerumata etawa vaka is menge kevuwazan ni Kohat su iyan sikandan midseriǥan te kedtiang duen te segradu he menge vutang duen te Tulda.

Deuteronomio 31:9

Insurat ni Moises heini he menge suǥù ne imbeǥey zin diyà te menge memumuhat he menge kevuwazan ni Levi, he iyan ed-uwit duen te Kavan te Kebpekid-uyun te Nengazen, wey ziyà te langun he ebpemendumala te Israel.

1 Samuel 6:19

Duen 70 he tig-Bet Shemesh he midhimetayan te Megbevayà su mid-ehè dan kes seled dutun te Kavan te Nengazen. Inlalew te menge meǥinged haazà is utew mesakit he silut kandan te Nengazen.