Numero 4:32 - Manobo Western Bukidnon OT

³² Iyan daan sikandan ed-uwit te menge tukud he edteuzan te menge kurtina he ibpeliǥuy zuen te Tulda, wey menge pundasyun kayi, menge palpal wey menge hiket. Kandan he vaal is langun he menge vuluhaten he egkeǥemitan kayi he menge gelemiten. Iyan kew ki Aaron kaǥi ziyà te kada sevaha kandan ke hengkey is kinahanglan he ed-uwiten dan.

Numero 4:32 ပူးပေါင်းရင်းမြစ်များ

1 Cronica 9:29

Is duma, midseriǥan te ked-atur te zuma pa he menge gelemiten dutun te valey te Nengazen, ragkes en dutun is menge herina, binu, lana, beyewà, wey zuma pa he menge penaket.

Exodus 25:9

Is kebeeli zutun te Tulda he Ed-ezapan wey is langun he menge gelemiten dutun, kinahanglan he iyan egkesunud sikan is mudilu he ibpeehè ku kenikew.

Exodus 27:9

“Kinahanglan he zuen lama zutun te Tulda he Ed-ezapan, elaza niw haazà pinaaǥi te kegkurtinahi zuen te linu. Is keluǥayad te kurtina he impelingut diyà te zivavà he kilid ne 150 he ǥiek.

Exodus 38:17

Is menge pundasyun te menge tukud, brunsi, ne is menge kaw-it wey menge kebilya kayi, ne pelata. Is menge in-ulu te menge tukud, mid-epizan te pelata. Is langun he menge tukud dutun te peliǥuy te lama, ne zuen daan menge kebilya he pelata.

Exodus 38:21

Iyan heini menge himan he neǥamit te kebpehitindeǥa zuen te Tulda he Ed-ezapan he zutun itaǥù sikan is Kesuǥuan. Heini is menge himan, inlista te menge kevuwazan ni Levi sumalà te suǥù ni Moises. Heini he vuluhaten, iyan midumala zuen si Itamar he anak ni Aaron he memumuhat.

Numero 3:36

Iyan sikandan midseriǥan te ked-atur te tabla he elavat duen te Tulda, menge marku, menge tukud, wey menge pundasyun kayi. Kandan he ketengdanan is langun he menge vuluhaten he egkeǥemitan kayi he menge gelemiten.

Numero 3:8

Iyan daan sikandan ed-atur te langun he menge gelemiten duen te Tulda he Edtelevukaayan, ne ebpenilbi zan dutun te Tulda para te menge Israilihanen.

Numero 4:31

Iyan heini vuluhaten dan diyà te Tulda he Edtelevukaayan: iyan sikandan ed-uwit te menge tabla he elavat duen te tulda, menge marku kayi, menge tukud, wey menge pundasyun.

Numero 4:33

Iyan heeyan menge vuluhaten te menge kevuwazan ni Merari ziyà te Tulda he Edtelevukaayan. Dizalem sikandan te kedumala ni Itamar he anak ni Aaron he memumuhat.”

Numero 4:49

Umbe, sumalà te insuǥù te Nengazen ki Moises, mibilang sikandan ne mibeǥayan te vuluhaten is kada sevaha kandan wey migkeǥiyan ke hengkey is ed-uwiten din.

Numero 7:1

Hein ingkepelastar en ni Moises sikan is Tulda he Ed-ezapan, mibpirikan din heini te lana, ne impehinungud din ragkes en is langun he menge gelemiten kayi. Iyan daan heini mibeelan din duen te tulda he iring ded te mibeelan din duen te pemuhatà wey is langun he ǥelemiten kayi.

Numero 7:8

Imbeǥey zin is heepat he kerumata wey walu he vaka ziyà te menge kevuwazan ni Merari he para te vuluhaten dan. Iyan heini sikandan is langun ebpenguluwan ni Itamar he anak ni Aaron he memumuhat.