Numero 4:18 - Manobo Western Bukidnon OT

¹⁸ “Kenè niw pesegdana he mepuew is kevuwazan ni Kohat puun te menge Levihanen.

Numero 4:18 ပူးပေါင်းရင်းမြစ်များ

Exodus 19:21

ne migkeǥiyan sikandin te Nengazen te, “Tupangi nu is menge etew ne petizeeni nu sikandan he kenè dan medrapas duen te taltal zuen te nekepeliǥuy zuen te vuntud su ed-ahaan ku. Su emun ebeelan dan heini, mahabet kandan is ebpatey.

Exodus 30:33

Is minsan hentei keniyu he ebaal te iring kayi he lana he ibpenlana zin etawa idlana zin te zuma he etew zà duen su kenà memumuhat, ne kenè niw en sikandin isipa he zuma niw.”

Exodus 30:38

Ke zuen minsan hentei keniyu he ebaal te iring dutun he veyewà su ebeelan din he pehemut din, ne kenè niw en sikandin isipa he zuma niw.”

Jeremias 38:23

“Is langun he menge esawa nu wey menge anak nu ebihaǥen te menge tig-Babilonia. Sikew mismu ne kenè ka ebpekelikey kandan; ebihaǥen ka te hadì te Babilonia, ne ebinsulan dan heini he inged.”

Numero 16:32

Ne mid-eveleng sikandan duma is pemilya zan te tanà, duma is langun he menge sumusunud ki Kora wey is langun he azen dan.

Numero 17:10

Ne migkaǥi is Nengazen diyà te ki Moises te, “Ilikù nu heeyan is tuked ni Aaron diyà te etuvangan duen te Kavan te Kebpekid-uyun ku su para mehimu heini he petizaan diyà te menge mesinupaken he ebpematey sikandan emun kenè dan ed-engked he edriklamu kayi te kedì.”

Numero 18:5

“Ne kenikew he ketengdanan wey te menge anak nu is ked-atur zuen te Segradu he Lugar wey te pemuhatà, para kenè ku en meumani mepeuki is menge Israilihanen.

Numero 3:27

Is menge kevuwazan ni Kohat iyan sikan is menge pemilya eni Amram, Izhar, Hebron, wey Uziel.

Numero 4:17

Migkaǥi is Nengazen diyà te ki Moises wey ki Aaron te,

Numero 4:19

Iyan heini veeli niw para kenà sikandan mebpematey emun ed-uvey sikandan duen te utew segradu he menge vutang: Kinahanglan he eduma kandan si Aaron wey is menge anak din emun edseled dan duen te Tulda ne egkeǥiyen diyà te kandan ke hengkey is ereg he ebeelan dan wey kinahanglan he ed-uwiten dan.

1 Samuel 6:19

Duen 70 he tig-Bet Shemesh he midhimetayan te Megbevayà su mid-ehè dan kes seled dutun te Kavan te Nengazen. Inlalew te menge meǥinged haazà is utew mesakit he silut kandan te Nengazen.