Numero 4:12 - Manobo Western Bukidnon OT

¹² Is duma pa he menge gelemiten he egemiten te kebpenilbi zutun te Tulda, edtengesen daan te manggad he meitem is kaavuavu zin wey te meupiya he kelasi he lundis, ne ibpikit heini zuen te tival.

Numero 4:12 ပူးပေါင်းရင်းမြစ်များ

1 Cronica 9:28

Is duma zutun kandan, ne midseriǥan te ked-atur te menge gelemiten dutun he egemiten te ked-azap. Ebilangen dan heini emun egemiten ne ebilangen dan ded ke egkepasad is kegemita zutun.

1 Cronica 9:29

Is duma, midseriǥan te ked-atur te zuma pa he menge gelemiten dutun te valey te Nengazen, ragkes en dutun is menge herina, binu, lana, beyewà, wey zuma pa he menge penaket.

2 Cronica 4:11

Mibpevaal zaan sikandin te menge diniyun, menge pala, wey menge yehung he egemiten te kebpemirikpirik. Nengepasad haazà is langun he mibpeveelan ni Solomon ki Huram he para zutun te valey te Megbevayà. Ne iyan heini mibeelan din:

2 Cronica 4:16

is menge diniyun, menge pala, menge zezekelà he menge tinidur he para te usa, wey zuma pa he menge ǥelemiten. Is langun kayi he menge vutang para zuen te valey te Nengazen, he mibeelan ni Huram para ki Hadì Solomon, ne pudu heini brunsi he impesinew.

2 Cronica 4:19

Mibpevaal zaan si Solomon kayi he menge gelemiten he para zuen te valey te Megbevayà: bulawan he pemuhatà; bulawan he menge lemisahan he selevukà te supas he ibpemuhat diyà te etuvangan te Megbevayà;

2 Cronica 4:22

is menge ibpenamped te pebilu, menge yehung he egemiten te kebpemirik, menge teleǥuey te menge veyewà, wey menge selevukà te vaǥa he pudu lunsey he vulawan; is menge ǥemawan dutun te valey te Nengazen wey menge ǥemawan pehendiyà te seled te Utew Segradu he Lugar, ne pudu heini mid-epizan te vulawan.

Exodus 25:5

lundis te meemahan he kerehidu he midtinà te meriǥà, meupiya he kelasi he lundis, kayu he ekasya,

Exodus 25:9

Is kebeeli zutun te Tulda he Ed-ezapan wey is langun he menge gelemiten dutun, kinahanglan he iyan egkesunud sikan is mudilu he ibpeehè ku kenikew.

Exodus 31:10

sikan is mekempet he menge visti te memumuhat he para egemiten ni Aaron wey zuen te menge anak din he maama emun ebpemuhat dan,

Numero 3:8

Iyan daan sikandan ed-atur te langun he menge gelemiten duen te Tulda he Edtelevukaayan, ne ebpenilbi zan dutun te Tulda para te menge Israilihanen.

Numero 4:11

“Tembuni zan daan te manggad he meitem is kaavuavu zin sikan is pemuhatà he vulawan ne edtembunan dan pa heini te meupiya he kelasi he lundis, ne itaud dan is menge tival para kayi.

Numero 4:13

“Kinahanglan he id-awè dan is avu zuen te pemuhatà, ne edtembunan heini is pemuhatà te manggad he merudtem.

Numero 4:6

Ne kegkepasad dutun, ed-umanan dan pa heini edtembuni te meupiya he kelasi he lundis wey manggad he meitem is kaavuavu zin, ne idtaud dan is menge tival kayi.

Numero 4:7

“Tembuni zan daan te manggad he meitem is kaavuavu zin is lemisahan he selevukà te supas he ibpemuhat diyà te etuvangan te Megbevayà, ne isavuk dan dutun te lemisahan is menge pinggan, menge tasa, menge yahung, menge tivud he teleǥuey te pemuhat he inumen, wey menge supas he layun dutun te lemisahan.

Numero 4:9

“Is selevukà te sulù edtengesen dan te manggad he meitem is kaavuavu zin ragkes en is menge sulù dutun, menge lipit, menge taya te igmuk te pebilu te sulù, wey menge tivud he teleǥuey te lana he idtubil te sulù.