Numero 32:5 - Manobo Western Bukidnon OT

⁵ Umbe, emun nekepenunuat key kenikew, datù, is menge suluǥuen nu, iveǥey nu en nasì kenami haazà he tanà, iyan en heini kenami he vahin ne kenè key en kenikew zumaha ziyà layun te Wahig he Jordan.”

Numero 32:5 ပူးပေါင်းရင်းမြစ်များ

Genesis 19:19

Utew zekelà is tavang niw kediey te suluǥuen niw ne utew zekelà is gaǥew niw kediey su midlibri a keniyu wey a kenà mebpatey. Utew zà meziyù haazà is buntud; kenà a ebpekepelaǥuy pehendiyà te vuvungan su egkesaut e zed kayi te kedlimas ne ebpatey a ǥihapun.

2 Samuel 14:22

Midluhud si Joab su edtahud te hadì ne migkaǥi te, “Berakat he tuvazi ka te Nengazen, Mahal he Hadì. Guntaan netuenan ku he nezeliǥan a kenikew su midtuman nu is hangyù ku.”

Ester 5:2

Ne hein naahà duen te hadì si Rayna Ester, ne utew sikandin neǥalew ne imbayew zin diyà te ki Ester sikan is tuked din he vulawan. Ne mid-uvey si Ester ne migewezan din is purù dutun te tuked.

Jeremias 31:2

Iyan a is Nengazen migkaǥi he ed-eturen ku is nesamà kandan he menge uuyag dutun te kedhipanew zan diyà te sibsivayan. Edlikù a te kebeǥey te menge Israilihanen te egkehimelayan dan.”

Numero 32:6

Ne migkaǥi si Moises diyà te tribu ni Gad wey ni Reuben te, “Iyan be ibpesavut niw he kayi kew zà mulà minsan ebpekidtebek is duma niw he menge Israilihanen?

Deuteronomio 1:37

“Ne tenged keniyu, minsan siak, ne nepeukan a te Nengazen. Ke sikandin te, ‘Ne sikew zaan, Moises, ne kenè ka ebpekeseled dutun he tanà.

Josue 7:7

Migkaǥi si Josue te, “He Nengazen he MEGBEVAYÀ, maan is impelayun key pa kenikew te Wahig he Jordan ke ibpezaag key zè bes kenikew te menge Amorihanen? Deyzey pa ke wazè key en med-awà diyà layun te Jordan.

Ruth 2:10

Ne si Ruth, hein nezineg din haazà is migkaǥi ni Boaz, ne midluhud sikandin su iyan betasan dan te kedtahud, ke sikandin te, “Maan is egkehizuwan a wey edtevangan a kenikew is lumelengyawà dà dini te keniyu?”

1 Samuel 20:3

Midtavak si David te, “Netuenan te amey nu he utew ki teleelukuy, umbe ed-elesan ke zin te planu zin he edhimetayan e zin su kela ke mebmesakit is gehinawa nu. Piru egkeǥiyen ku kenikew ziyà te etuvangan te uuyag he Nengazen, he ǥuntaan ebpemiligru-a te kemetayen.”