Numero 32:3 - Manobo Western Bukidnon OT

^3-4 “Is menge lugar he midezeetan te Nengazen pinaaǥi te menge Israilihanen he iyan is Atarot, Dibon, Jazer, Nimra, Heshbon, Eleale, Sebam, Nebo, wey Beon–meupiya he lugar para te menge uyaǥen, ne sikami is menge suluǥuen nu mahabet is menge uyaǥen dey.

Numero 32:3 ပူးပေါင်းရင်းမြစ်များ

Nehemias 9:22

“Impezaag nu kandan is menge ginhedian, menge nasyun, wey is menge meǥinged diyà te menge tanà he nekeelingkus kandan. Mid-aǥew zan is tanà he Heshbon he iyan edumala zutun si Hadì Sihon, wey is tanà he Bashan he iyan edumala zuen si Hadì Og.

Isaias 15:6

Nemezahan is wahig he Nimrim, ne neǥangu is menge sagbet. Wazè en midtuvù he pinemula.

Jeremias 48:1

Iyan heini migkaǥi te Nengazen he Mekeǥeǥehem, he Megbevayà te Israel, mehitenged te Moab: “Mekehizuhizu is menge tig-Nebo su edezeetan heini. Egkepeel-elezan wey ebihaǥen is menge tig-Kiriataim, ne egkengetempag is menge eputà dan he metikang he lugar.

Jeremias 48:2

Kenè en edeliǥen is nasyun he Moab. Diyà te Heshbon, mibpelanu is menge kuntada te kedezaat te Moab. Ke sikandan te, ‘Agpas kew su edezeetan tew is Moab.’ Is inged he Madmen edsurungen te kuntada, ne egkehimu he mekevulungbulung.

Jeremias 48:32

Edsineǥawan ku zaan is menge etew ziyà te Sibma, he lavew pa te kedsineǥawi ku te menge tig-Jazer. He Sibma, neiring ka te sengepuun he paras he nekeuma is menge subpang din diyà te Daǥat he Minatey ne taman en te Jazer. Piru ǥuntaan mid-amin penguwaa te ebpendezaat is menge veǥas nu.

Jeremias 48:34

Is erang te menge tig-Heshbon taman en is kegkezineǥa zuen diyà te Eleale wey Jahaz. Is erang te menge tig-Zoar, taman en is kegkezineǥa zuen diyà te Horonaim wey Eglat Shelishiya. Su minsan is wahig he Nimrim nemezahan en.

Jeremias 48:45

Is mekehizuhizu he ebpemekepelaǥuy egkesuat dan he ed-eles diyà te Heshbon. Piru heini is Heshbon he midhedian dengan ni Hadì Sihon egkiràkirà is hapuy zuen. Egkevinsulan is menge vuvungan he mid-elesan te menge tig-Moab he zengan, utew susuaten te kebpekidtebek.

Ezekiel 25:9

Umbe, iyan a metau he surunga is menge inged diyà te dulunà te Moab, ragkes en is lavew he menge inged dan iring te Bet Jeshimot, Baal Meon, wey Kiriataim–kes menge inged he ebentuǥen dan.

Numero 21:30

Piru guntaan nezeetan dey en is menge Amorihanen. Nezeetan en is inged he Heshbon, ragkes is Dibon, Nofa, wey Medeba.”

Numero 21:32

Ne liwas dutun midsuǥù si Moises te menge meniniid diyà te Jazer, ne mid-aǥew zan daan heini wey is dezeisey he menge inged he sakup din. Midsegseg dan is menge Amorihanen he ed-ubpà dutun.

Numero 32:1

Is tribu ni Reuben wey ni Gad duen dan utew mezakel he menge uyaǥen. Umbe hein neehè dan he meupiya he lugar para te menge uyaǥen is tanà diyà te Jazer wey Gilead,

Numero 32:2

midhendiyè dan te ki Moises wey ki Eleazar wey zuen te menge pengulu te kezekelan, ne ke sikandin te,

Josue 13:17

Ragkes daan is Heshbon wey is langun he menge inged kayi ziyà te menge suǥud he iyan is: Dibon, Bamot Baal, Bet Baal Meon,

Josue 13:19

Kiriataim, Sibma, Zeret Shahar (he ziyà te vuvungan te menge suǥud),

Zatù 11:26

Menge 300 en he tuig is ked-ubpè te menge Israilihanen diyà te Heshbon wey Aroer, wey ziyà te menge inged he nekeelingkus kayi he menge lugar, ragkes en is menge inged diyà te kilid te Wahig he Arnon. Maan is guntaan kew en metanud te kegkuwa kayi?