Numero 32:23 - Manobo Western Bukidnon OT

²³ “Iyan, emun kenè niw heini edtumanen, ne ebpekesalè kew ziyà te Nengazen, ne siguradu he ebeyazan niw is salè niw.

Numero 32:23 ပူးပေါင်းရင်းမြစ်များ

Genesis 13:13

Ne is menge meǥinged dutun te Sodom, utew menge mekesesalà. Utew mezaat is menge salè dan he supak te Nengazen.

Genesis 4:7

Su emun hustu is ed-ul-ulahan nu edewaten ku sikew; ne emun kenà, melemu ka ebpekesalà, su is salà ne iring te kumekaid he langgam he ed-ayan kenikew keniyan te ǥemawan. Utew zin egkesuati he mezaag ke zin, iyan, kinahanglan he iyan ka edaag kandin.”

Genesis 44:16

Ne midtavak si Juda te, “Datù, wazè dey en igkepengetezengan kenikew, ne kenè dey zaan egkekaǥi he wazè dey salà. Iyan is Megbevayà mibpezayag te salè dey. Sikami is langun ne menge uripen key en kenikew wey kes naahaan nu zuen te tasa.”

2 Samuel 3:39

Ne minsan iyan a mibpilì he hadì guntaan, kenè ku egkeveyveyaan si Joab wey si Abishai, he menge anak ni Zeruya. Nereǥenan a utew kandan. Umbe, iyan en is Nengazen ebales te lalung he menge etew te kelelalung he menge vaal zan.”

1 Hadì 2:33

Iyan sikandin wey is menge kevuwazan din ebpekepenavak minsan keenu te kemetayen keniyan he menge etew. Piru si David wey is menge kevuwazan din wey is ginhedian din ebeǥayan te meupiya he kebpekesavuk minsan keenu.”

Salmo 139:11

Minsan mebpetambun e pa te merusirem wey minsan meveeli pa he mezukilem heini is kerayag he nekeliǥuy kediey kenà a ebpekeeles.

Salmo 140:11

Berakat ke kenè en mebpedayun kayi te tanà is menge etew he menge tigbutangbutang te zuma. Berakat daan he meumahi te vangkit is menge mesipala he iyan ebpekezezaat kandan.

Salmo 90:8

Neehè nu is menge salè dey. Minsan is meeles is kebeeli zey zuen ne nepurung nu heini maahà.

Erubasa 13:21

Ebpekeuma is ebpekezezaat te mekesesalà, piru is menge metazeng ne ebelesan te meupiya.

Erubasa 24:16

Su minsan kepipitu pa mepiley is etew he metazeng, iyan, layun sikandin ebpekeenew. Ne emun iyan is lalung egkepiley, kenè en sikandin ebpekeenew.

Erubasa 5:22

Is mezaat he menge ulaula te lalung he etew iring te litag he ebpekehiket kandin.

Isaias 3:11

Piru mekehizuhizu mulà is menge lalung, su ebpekeuma ziyà te kandan is bangkit. Ebelesan sikandan tenged te menge vaal zan.

Isaias 59:12

Su mahabet en is menge salè tew ziyà te etuvangan te Megbevayà, ne iyan heini ebpeǥumbenar he ereg kiw he edsilutan. Uya, netuenan tew he layun kiw ebaal te salà.

Jonas 1:7

Ne mibpelelelaǥà is menge terebahanti zutun te varku, ne iyan neuyunan dan he ibarè dan pinaaǥi te ripa ke hentei is edsilutan he iyan hinungdan he impepengeramag te utew mevandes. Ne zutun te kedripa zan iyan neripahan si Jonas.

Josue 7:18

Ne impeuvey zin is pemilya ni Zabdi ne is intezù iyan si Acan. (Si Acan anak ni Carmi. Si Carmi anak ni Zabdi. Ne si Zabdi anak ni Zera te sakup te tribu ni Juda.)