Numero 3:9 - Manobo Western Bukidnon OT

⁹ Ebpeveyveyaan ki Aaron wey ziyà te menge anak din he maama is menge kevuwazan ni Levi su wey metevangi sikandan.

Numero 3:9 ပူးပေါင်းရင်းမြစ်များ

1 Cronica 15:2

Migkaǥi si David, “Wazà minsan hentei he ebpekeuwit te Kavan te Kebpekid-uyun te Megbevayà gawas te menge Levihanen, su iyan sikandan mibpilì te Nengazen he ibpeuwit te Kavan te Nengazen wey ebpenilbi ziyà te etuvangan din taman te taman.”

1 Cronica 6:33

Iyan heini sikandan ebpenilbi zuma is menge anak dan: Is kevuwazan ni Kohat, ne si Heman he musikiru. Si Heman ne anak ni Joel. Si Joel ne anak ni Samuel. Si Samuel ne anak ni Elkana.

Ezra 2:43

Iyan heini menge kevuwazan te menge suluǥuen diyà te valey te Nengazen he nemen-ulì daan puun te kegkevihag: Menge kevuwazan ni Ziha, Hasufa, Tabaot, Keros, Siaha, Padon, Lebana, Hagaba, Akub, Hagab, Shalmai, Hanan, Gidel, Gahar, Reaya, Rezin, Nekoda, Gazam, Uza, Pasea, Besai, Asna, Meunim, Nefusim, Bakbuk, Hakufa, Harhur, Bazlut, Mehida, Harsha, Barkos, Sisera, Tema, Nezia, wey Hatifa.

Ezra 6:18

Insavuk dan is menge memumuhat wey menge Levihanen diyà te kada ketengdanan dan diyà te valey te Megbevayà diyà te Jerusalem sumalà te ingkesurat diyà te Libru ni Moises.

Ezra 8:20

Midsuǥù dan daan pehendiyà te kenami is 220 he menge suluǥuen diyà te valey te Megbevayà. Heini is menge suluǥuen diyà te valey te Megbevayà mibpilì dengan ni Hadì David wey te menge upisyal zin he ibpeuǥup te menge Levihanen. Pudu nekelista is menge ngazan dan.

Numero 16:9

Kenè pe be ereg para keniyu he ziyà te tivuuk he keet-etawan te Israel iyan kew mibpilì te Megbevayà te Israel he ebpekeuvey ziyà te etuvangan din pinaaǥi te kebpenilbi niw ziyà te Tulda zin wey kebpenilbi niw te kezekelan?

Numero 18:2

Emun ebpenilbi ka wey is menge anak nu ziyà te Tulda he midsevukan te Kesuǥuan, ipeuǥup niw is menge kezuzumahi niw he ebpuun diyà te tribu ni Levi.

Numero 3:8

Iyan daan sikandan ed-atur te langun he menge gelemiten duen te Tulda he Edtelevukaayan, ne ebpenilbi zan dutun te Tulda para te menge Israilihanen.

Numero 8:14

Pinaaǥi kayi igkesivey nu is menge kevuwazan ni Levi puun te zuma he menge Israilihanen ne egkehimu en sikandan he menge ǥaked ku.

Numero 8:16

Iyan sikandan menge Israilihanen he insivey para zà kediey he ilis te langun he kinekekayan he menge anak te menge Israilihanen.

Numero 8:18

Ne migkuwa ku is menge kevuwazan ni Levi he ilis te langun he kinekekayan he menge maama te menge Israilihanen.

Numero 8:19

Diyà te langun he menge Israilihanen, iyan is menge kevuwazan ni Levi mibpilì ku he ebpekeuǥup ki Aaron wey te menge anak din. Ebpenilbi sikandan diyà te Tulda he Edtelevukaayan para te menge Israilihanen, ne iyan sikandan ebaal te menge tulumanen he para mevelukasi is salà te menge Israilihanen, su para wazà kezeetan he egkehitavù kandan emun ed-uvey zan duen te Tulda he Edtelevukaayan.”