Numero 3:7 - Manobo Western Bukidnon OT

⁷ Ebpenilbi zan ki Aaron wey te langun he menge etew te Israel pinaaǥi te kebaal te menge vuluhaten diyà te Tulda he Ed-ezapan he egngezanan daan te Tulda he Edtelevukaayan.

Numero 3:7 ပူးပေါင်းရင်းမြစ်များ

1 Cronica 26:20

Is duma he menge Levihanen ne iyan midseriǥan duen te menge budiga zuen te valey te Megbevayà, ragkes en dutun is menge budiga te menge azen he inhalad diyà te Megbevayà.

1 Cronica 26:22

Is menge anak ni Jehieli he si Zetam wey si Joel ne iyan midseriǥan te menge budiga zutun te valey te Nengazen.

1 Cronica 26:26

Is menge budiga he zutun idtaǥù is menge inhalad ni Hadì David wey te menge pengulu te menge pemilya, te menge peremandar te menge linibu, wey te menge ginatus he menge sundaru, wey te zuma pa he menge peremandar, insarig ki Selomit wey is menge kezuzumahi zin.

Leviticus 8:35

Kinahanglan he kenè kew med-awà kayi te maandew wey mezukilem seled te pitu he andew, ne veeli niw is ebpeveelan te Nengazen su wey kew kenà mebpatey, su iyan heini migkaǥi te Nengazen kayi te kedì he ibpeveelan keniyu.”

Numero 1:50

Kekenà, iveǥey kandan he ketengdanan is kedumala zuen te Tulda he Ed-ezapan he zutun itaǥù sikan is Kesuǥuan, wey is langun he ǥelemiten kayi. Iyan sikandan ed-uwit dutun te Tulda wey te langun he ǥelemiten kayi. Kinahanglan he ed-etimanen dan heini, ne kinahanglan he ziyè dan megkampu te ebpekeliǥuy kayi.

Numero 1:53

Piru is menge kevuwazan ni Levi, kinahanglan he ziyà megkampu te ebpekeliǥuy zuen te Tulda he midteǥuan te Kesuǥuan, su wey ku kenà mepeuki is menge etew te Israel. Ketengdanan te menge kevuwazan ni Levi is ked-atur zuen te Tulda.”

Numero 3:32

Is pengulu te menge kevuwazan ni Levi iyan si Eleazar he anak ni Aaron he memumuhat. Iyan sikandin mibpilì he edumala zuen te menge etew he insarig kandan is ked-atur zuen te Tulda.

Numero 3:8

Iyan daan sikandan ed-atur te langun he menge gelemiten duen te Tulda he Edtelevukaayan, ne ebpenilbi zan dutun te Tulda para te menge Israilihanen.

Numero 31:30

Ne zutun te menge vahin te menge Israilihanen he wazà mebpekidtebek, is kada 50 terini nu te sevaha is binihag he menge etew, menge vaka, menge asnu, menge kerehidu, wey menge kambing etawa zuma he kelasi te menge uyaǥen. Ne iveǥey nu heini ziyà te menge Levihanen he ketengdanan dan is ked-atur zuen te Tulda te Nengazen!”

Numero 8:11

Si Aaron is ebpehinungud kandan diyà te etuvangan ku he ispisyal he halad puun te menge Israilihanen, su wey zan mekepenilbi kedì.

Numero 8:15

“Emun egkepasad nu en te edlumpiyu wey ebpehinungud kayi te kedì he ispisyal he halad is menge kevuwazan ni Levi, ne ebpekepenilbi en sikandan diyà te Tulda he Edtelevukaayan.