Numero 3:3 - Manobo Western Bukidnon OT

³ Mibpilì wey mid-urdinahan sikandan wey zan mekepenilbi pinaaǥi te kegkememumuhat.

Numero 3:3 ပူးပေါင်းရင်းမြစ်များ

1 Cronica 23:6

Mibahin ni David te tetelu he grupu haazà is menge Levihanen sumalà is menge kepuun te menge anak ni Levi he si Gershon, Kohat, wey si Merari.

Exodus 28:41

“Bistiyi nu kayi is suled nu he si Aaron wey sikan is menge anak din he maama. Ne ebpetiǥisan sikandan te lana tuus te kegkehimuwa kandan he memumuhat. Ne ipehinungud nu sikandan kediey su wey sikandan mekepenilbi kedì pinaaǥi te kebpemuhat.

Exodus 40:13

Ne sun-uzi nu si Aaron duen te menge visti te memumuhat, ne lenahi nu sikandin su iyan heini paaǥi te kebpehinunguza kandin kayi te kedì, su wey mekepenilbi sikandin kediey pinaaǥi te kebpemuhat.

Exodus 40:15

Ne lenahi nu sikandan iring te kedlanahi nu te amey zan, su para mekepenilbi sikandan kediey pinaaǥi te kebpemuhat pehendiyè en te huziyan he menge lapis te kevuwazan.”

Leviticus 8:12

Ne mibpetiǥisan din te lana is ulu ni Aaron he paaǥi te kebpehinunguza kandin diyà te Nengazen.

Leviticus 8:30

Ne migkuwa si Moises te lana he para te idlana wey lengesa he zuen te pemuhatà ne mibpirikan din si Aaron wey kes menge anak ni Aaron wey is menge visti zan. Pinaaǥi kayi impehinungud din sikandan wey is menge visti zan diyà te Nengazen.

Numero 3:4

Piru si Nadab wey si Abihu, minatey ziyà te etuvangan te Nengazen hein migamit dan te hapuy he kenà iyan sikan is hapuy he para te kebpemuhata te Nengazen hein diyè dan te sibsivayan he Sinai. Minatey sikandan he wazè dan menge anak, umbe iyan dà si Eleazar wey si Itamar nenilbi pinaaǥi te kegkememumuhat dutun te kaazen pa te amey zan he si Aaron.