Numero 3:27 - Manobo Western Bukidnon OT

²⁷ Is menge kevuwazan ni Kohat iyan sikan is menge pemilya eni Amram, Izhar, Hebron, wey Uziel.

Numero 3:27 ပူးပေါင်းရင်းမြစ်များ

1 Cronica 23:12

Si Kohat ne zuen heepat he anak din he menge maama he iyan si Amram, Izhar, Hebron, wey si Uziel.

1 Cronica 26:23

Iyan heini menge upisyal he ebpuun te menge kevuwazan ni Amram, Izhar, Hebron, wey si Uziel: Is ebpuun te menge kevuwazan ni Amram:

1 Cronica 26:30

Ebpuun te menge kevuwazan ni Hebron: si Hashabia wey is 1,700 he menge kezuzumahi zin he zuen dan menge ketau. Insarig kandan is kedumala te menge tanà he zapit te edsenlepan te wahig te Jordan. Iyan sikandan mid-atur te menge vuluhaten te Nengazen wey vuluhaten te hadì dutun he lugar.

Ezekiel 40:45

Migkaǥi sikan is etew kayi te kedì te, “Is ruǥu he nekesinaru ziyà te zivavà ne para te menge memumuhat he edumala ziyà te valey te Nengazen.

Numero 3:19

Is menge anak ni Kohat iyan ensi Amram, Izhar, Hebron, wey Uziel.

Numero 3:26

is menge kurtina ziyà te lama he impeliǥuy zuen te Tulda wey pemuhatà, ragkes en is kurtina te pultahan duen te lama, wey is menge hiket kayi. Kandan he ketengdanan is langun he vuluhaten he para kayi he menge gelemiten.

Numero 3:28

Is kahabet te menge maama kandan he is keǥurang dan senge vulan pehendiyà te metikang ne 8,600. Insarig daan kandan is ked-atur zuen te Tulda he Edtelevukaayan.

Numero 4:2

“Sinsusa niw is menge kevuwazan ni Kohat he sakup te tribu ni Levi; sinsusa is kada kezuzumahi wey is menge pemilya zutun.

Josue 21:5

Is duma he menge kevuwazan ni Kohat mibeǥayan te 10 he menge inged he nesakup diyà te tanà te menge tribu eni Efraim, Dan, wey ketengà he tribu ni Manase.