Numero 3:25 - Manobo Western Bukidnon OT

²⁵ Iyan sikandan midseriǥan te ked-atur te menge gelemiten duen te Tulda he Edtelevukaayan he iyan heini: menge tambun, is kurtina te gemawan te Tulda,

Numero 3:25 ပူးပေါင်းရင်းမြစ်များ

1 Cronica 23:32

Umbe, midhimu te menge Levihanen is ketengdanan dan te ked-etiman duen te Tulda he Edtelevukaayan wey zuen te Segradu he Lugar, wey te ked-uǥup te menge kezuzumahi zan he menge memumuhat he kevuwazan ni Aaron te kebpenilbi zutun te valey te Nengazen.

2 Cronica 31:2

Migrupugrupu ni Hadì Hezekia is menge memumuhat wey menge Levihanen he para ebaal te nengetendek he menge vuluhaten dan. Apil kayi is kebpemuhat te menge pemuhat he edtutungen wey is menge pemuhat he para te meupiya he kedepità, is kebpenilbi ziyà te valey te Nengazen, is kebpeselamat wey is kegkanta te menge kedalig diyà te menge ǥemawan te valey te Nengazen.

Exodus 25:9

Is kebeeli zutun te Tulda he Ed-ezapan wey is langun he menge gelemiten dutun, kinahanglan he iyan egkesunud sikan is mudilu he ibpeehè ku kenikew.

Exodus 40:19

Ne mibekar zin sikan is Tulda, ne impetaud din is menge elavat he manggad wey is tambun he iyan atep duen. Mibeelan din heini is langun sumalà te insuǥù kandin te Nengazen.

Exodus 40:28

Intaud din daan sikan is kurtina ziyà te gemawan duen te Tulda,

Numero 1:50

Kekenà, iveǥey kandan he ketengdanan is kedumala zuen te Tulda he Ed-ezapan he zutun itaǥù sikan is Kesuǥuan, wey is langun he ǥelemiten kayi. Iyan sikandan ed-uwit dutun te Tulda wey te langun he ǥelemiten kayi. Kinahanglan he ed-etimanen dan heini, ne kinahanglan he ziyè dan megkampu te ebpekeliǥuy kayi.

Numero 10:17

Hein netines en sikan is Tulda he Ed-ezapan, midtival en heini te menge kevuwazan ni Gershon wey menge kevuwazan ni Merari. Ne midtinundug sikandan medhipanew.

Numero 3:24

Is pengulu zan iyan si Eliasaf he anak ni Lael.

Numero 3:7

Ebpenilbi zan ki Aaron wey te langun he menge etew te Israel pinaaǥi te kebaal te menge vuluhaten diyà te Tulda he Ed-ezapan he egngezanan daan te Tulda he Edtelevukaayan.

Numero 7:7

Imbeǥey zin is dezuwa he kerumata wey heepat he vaka ziyà te menge kevuwazan ni Gershon he para te vuluhaten dan.