Numero 3:20 - Manobo Western Bukidnon OT

²⁰ Is menge anak ni Merari iyan ensi Mali wey Mushi. Iyan sikandan menge kevuwazan ni Levi he inlista sumalà te menge pemilya zan.

Numero 3:20 ပူးပေါင်းရင်းမြစ်များ

1 Cronica 15:6

Is ebpuun te menge kevuwazan ni Merari, 220, ne iyan pengulu zutun si Asaya.

1 Cronica 25:3

Is ebpuun te menge anak ni Jedutun he menge maama: si Gedalia, Zeri, Jeshaya, Shimei, Hashabia, wey si Matitia, heenem dan langun. Midterebahu zan he zizalem te kedumala te amey zan he si Jedutun. Edseysey sikandan te lalag te Megbevayà he eduyuǥan te alpa, he edumahan te kebpeselamat wey kedalig te Nengazen.

1 Cronica 6:19

Ne is menge anak ni Merari he menge maama ne si Mali wey si Mushi. Iyan heini menge pemilya te menge Levihanen he imbasi is kedlistaha zuen diyà te kada sengeepuan:

1 Cronica 6:29

Is menge kevuwazan ni Merari: si Mali, Libni, Shimei, Uza,

2 Cronica 29:12

Umbe, segugunà mibpuun medterebahu heini he menge Levihanen: Diyà te pemilya ni Kohat: si Mahat he anak ni Amasai wey si Joel he anak ni Azaria. Diyà te pemilya ni Merari: si Kish he anak ni Abdi wey si Azaria he anak ni Jehalelel. Diyà te pemilya ni Gershon: si Joa he anak ni Zema wey si Eden he anak ni Joa.

2 Cronica 31:17

Heini sikandan, mibeǥayan te kandan he vahin iring duen te menge memumuhat he ingkelista, ne mibeǥayan daan is menge Levihanen he 20 he tuig is keǥurang dan pehendiyà te metikang, he ebaal zaan te buluhaten diyà te kandan he grupu.

Exodus 6:16

Sumalà is insurat he keguǥuza iyan heini menge ngazan te menge maama he menge anak ni Levi: si Gershon, si Kohat, wey si Merari. Is keluǥayad te untung ni Levi 137 he tuig.

Exodus 6:19

Is menge anak he maama ni Merari iyan si Mali wey si Mushi. Ne iyan heini ebpuunan te menge kevuwazan ni Levi sumalà is keguǥuza te menge kevuwazan dan.

Numero 3:19

Is menge anak ni Kohat iyan ensi Amram, Izhar, Hebron, wey Uziel.

Numero 3:21

Is menge kevuwazan ni Gershon iyan kes menge pemilya he ebpuun diyà te ki Libni wey ki Shimei.

Numero 3:33

Is menge kevuwazan ni Merari iyan is menge pemilya he ebpuun diyà te ki Mali wey ki Mushi.