Numero 3:13 - Manobo Western Bukidnon OT

¹³ Su kediey man is langun he kinekekayan he maama kayi te Israel. Hein mibpenhimetayan ku is langun he kinekekayan he maama ziyà te Ehipto, ne intapid ku en he para kedì is langun he kinekekayan he maama kayi te Israel, etew etawa uyaǥen. Umbe ǥaked ku sikandan. Iyan a kes Nengazen.”

Numero 3:13 ပူးပေါင်းရင်းမြစ်များ

Nehemias 10:36

Ne ed-uwiten dey zaan diyà te menge memumuhat he ebpenilbi ziyà te valey te Megbevayè dey is maama he kinekekayan he anak dey, ragkes is kinekekayan te menge vaka zey, menge kerehidu zey, wey menge kambing dey, sumalà te ingkesurat diyà te Kesuǥuan.

Exodus 13:12

iveǥey niw ziyà te Nengazen is kada penganey he maama etawa meemahan he uyaǥen. Su ǥaked sikandan te Nengazen.

Exodus 13:15

Su hein kenè kiw edtuǥutan te hadì te kegenat, midhimetayan te Nengazen is langun he penganey he menge anak he maama diyà te Ehipto, wey minsan is meemahan he menge penganey te menge uyaǥen dan. Umbe, ibpemuhat tew ziyà te Nengazen is menge meemahan he penganey he menge uyaǥen tew ne ebelukasan tew is penganey he menge anak tew he maama.’

Exodus 13:2

“Ipehinungud niw kedì is kada penganey he maama te menge anak niw wey is kada meemahan he egkehuna he anak te menge uyaǥen niw su migaked ku en heini.”

Exodus 22:29

“Kenè niw lipati is kebeǥey te halad kayi te kedì he ebpuun te neraǥun niw, menge vinu, wey menge lana. “Ipehinungud niw kedì is penganey he anak niw he menge maama.

Exodus 34:19

“Kediey he ǥaked is kinekekayan he anak niw he maama, wey is meemahan he penganey te menge uyaǥen niw.

Ezekiel 44:30

Is kineupiyahan te egkehuna he menge sebpet niw wey is ispisyal he menge gasa kayi te kedì, diyà daan ebpekepevayà te menge memumuhat. Beǥayi niw zaan te kineupiyahan he herina niw is menge memumuhat, su wey metuvazi is pemilya niw.

Leviticus 27:26

Is egkehuna he anak te uyaǥen ne ǥaked te Nengazen, umbe kenè en heini kinahanglan he idhalad diyà te kandin su zaan he kandin.

Numero 18:15

Is langun he kinekekayan he anak he maama, etew man etawa uyaǥen, he idhalad kayi te kediey ne keniyu zaan. Piru kinahanglan he ibpelekat niw is menge kinekekayan he menge anak he maama wey is menge kinekekayan he menge uyaǥen he ed-isipen he meremerik.

Numero 18:6

Iyan a mismu mibpilì te menge zuma nu he menge kevuwazan ni Levi puun te menge Israilihanen su wey zan mekeuǥup kenikew. Impehinungud sikandan kayi te kediey su wey zan mekepenilbi ziyà te Tulda he Edtelevukaayan.

Numero 3:41

Ipehinungud niw kayi te kedì is menge kevuwazan ni Levi he ilis te langun he kinekekayan he maama he menge anak te menge Israilihanen. Ipehinungud niw zaan kayi te kedì is menge uyaǥen te menge kevuwazan ni Levi he ilis te langun he kinekekayan he menge uyaǥen te menge Israilihanen. Iyan a Nengazen.”

Numero 33:4

he edleveng te langun he kinekekayan he menge anak he maama he mibpenhimetayan te Nengazen tenged midhukuman te Nengazen is menge ed-ezapen dan.