Numero 3:12 - Manobo Western Bukidnon OT

¹² “Mibpilì ku is menge kevuwazan ni Levi he liwan te menge kinekekayan he anak he menge maama te menge Israilihanen. Kediey is kada kevuwazan ni Levi.

Numero 3:12 ပူးပေါင်းရင်းမြစ်များ

Exodus 13:2

“Ipehinungud niw kedì is kada penganey he maama te menge anak niw wey is kada meemahan he egkehuna he anak te menge uyaǥen niw su migaked ku en heini.”

Numero 18:6

Iyan a mismu mibpilì te menge zuma nu he menge kevuwazan ni Levi puun te menge Israilihanen su wey zan mekeuǥup kenikew. Impehinungud sikandan kayi te kediey su wey zan mekepenilbi ziyà te Tulda he Edtelevukaayan.

Numero 3:11

Migkaǥi pa is Nengazen diyà te ki Moises te,

Numero 3:41

Ipehinungud niw kayi te kedì is menge kevuwazan ni Levi he ilis te langun he kinekekayan he maama he menge anak te menge Israilihanen. Ipehinungud niw zaan kayi te kedì is menge uyaǥen te menge kevuwazan ni Levi he ilis te langun he kinekekayan he menge uyaǥen te menge Israilihanen. Iyan a Nengazen.”

Numero 8:14

Pinaaǥi kayi igkesivey nu is menge kevuwazan ni Levi puun te zuma he menge Israilihanen ne egkehimu en sikandan he menge ǥaked ku.

Numero 8:16

Iyan sikandan menge Israilihanen he insivey para zà kediey he ilis te langun he kinekekayan he menge anak te menge Israilihanen.

Numero 8:18

Ne migkuwa ku is menge kevuwazan ni Levi he ilis te langun he kinekekayan he menge maama te menge Israilihanen.