Numero 28:9 - Manobo Western Bukidnon OT

⁹ “Emun Andew te Kedhimeley, pemuhat kew te zezuwa he kerehidu he tig senge-tuig is keǥurang dan he wazè dan sazir, he edlepikan te pemuhat he inumen wey pemuhat he para gasa he heepat he kilu he meupiya he kelasi he herina he midsehuǥan te lana.

Numero 28:9 ပူးပေါင်းရင်းမြစ်များ

2 Hadì 4:23

Mid-insà is esawa zin te, “Maan is edhendiyè ka ǥuntaan he andew te kenè man heini Pista te Kebpuun te Hayag etawa Andew te Kedhimeley?” Midtavak haazà is bahi te, “Maambe en.”

2 Cronica 2:3

Mibpeuwit si Solomon te lalag diyà te ki Hadì Hiram he hadì te Tyre he edhenduen te: “Peuwiti a kenikew te kayu he sidru iring te mibeelan nu zengan diyà te amey ku he si David te kedtukuza zin te turuǥan din.

2 Cronica 2:4

Ebpehitendeg a te valey te Nengazen para te zengeg te Nengazen he Megbevayè ku. Egkehimu heini he segradu he lugar he zutun edtutunga is mehemut he veyewà wey ebpemuhatan layun te segradu he supas. Kayi zaan ebpemuhat te pemuhat he edtutungen kada meselem wey mezukilem, wey te menge Andew te Kedhimeley, te Pista te Kebpuun te Hayag wey te zuma he menge pista te kebeǥayi te zengeg te Nengazen he Megbevayè dey. Heini he sulunuzen kinahanglan he edtumanen te menge Israilihanen taman te taman.”

2 Cronica 8:13

Midtuman din is suǥù ni Moises he ebpemuhat sumalà is kinahanglan he ibpemuhat kada andew wey te Andew te Kedhimeley, te Pista te Kebpuun te Hayag, wey te tetelu he pista he edsilibrahan kada tuig: is Pista te Supas he Wazè din Tapey, is Pista te Kedraǥun, wey is Pista te Kebaal te menge Lawig.

Isaias 58:13

“Kinahanglan he edtumanen niw is menge ebpeveelan ku zutun te Andew te Kedhimeley. Kenè niw veeli is menge vaal he para zà te keugelingen niw he kelipey zutun te segradu he andew. Ikelipey niw is Andew te Kedhimeley, ne pekeveǥata niw heini pinaaǥi te kenà kebpetuyang te egkesuatan niw, wey ked-engked kegkaǥi te menge lalag he wazè din pulus. Emun ebeelan niw heini,

Ezekiel 20:12

Impetuman ku zaan kandan is Andew te Kedhimeley he tuus te paaǥi te kedepitè dey. Ebpetanudtanud heini kandan he iyan a, is Nengazen mibpilì kandan wey zan mehimu he menge etew ku.

Ezekiel 46:4

Kada Andew te Kedhimeley, mebpemuhat is Pengulu kayi te kedì te sevaha he meǥurang en he kerehidu he meemahan wey heenem he nati he kerehidu he wazè din sazir he ibpemuhat he edtutungen.

Numero 28:10

Iyan heini pemuhat he edtutungen kada Andew te Kedhimeley, he gawas en duen te andew-andew he pemuhat ragkes is pemuhat he inumen he zuma kayi.

Numero 28:8

Ne iring ded kayi is beeli niw ziyà te ikezuwa he pemuhat niw he kerehidu he ibpemuhat niw ke mahapun. Lepiki niw zed heini te pemuhat he para gasa wey pemuhat he inumen. Pemuhat heini he edtutungen he ebpekepenunuat te Nengazen is kehemut din.’