Numero 28:3 - Manobo Western Bukidnon OT

³ ‘Iyan heini menge pemuhat pinaaǥi te hapuy he ibpemuhat niw ziyà te Nengazen: dezuwa he kerehidu he senge-tuig is keǥurang dan he wazè dan sazir. Pemuhat heini he edtutungen kada andew.

Numero 28:3 ပူးပေါင်းရင်းမြစ်များ

1 Cronica 16:40

Iyan sikandan layun ebpemuhat te pemuhat he edtutungen dutun te pemuhatà maandew wey mezukilem, sumalà te langun he ingkesurat duen te kesuǥuan te Nengazen he imbeǥey zin te Israel.

2 Cronica 8:13

Midtuman din is suǥù ni Moises he ebpemuhat sumalà is kinahanglan he ibpemuhat kada andew wey te Andew te Kedhimeley, te Pista te Kebpuun te Hayag, wey te tetelu he pista he edsilibrahan kada tuig: is Pista te Supas he Wazè din Tapey, is Pista te Kedraǥun, wey is Pista te Kebaal te menge Lawig.

Ezra 3:5

Kenà ragkes kayi is menge pemuhat he edtutungen he ibpemuhat dan te meselem wey mahapun, ebpemuhat daan sikandan te menge pemuhat te kada Pista te Kebpuun te Hayag wey te zuma pa he menge pista te ked-azap te Nengazen. Ebpemuhaten dan daan is Nengazen te menge pemuhat he keugelingen he suat is kebeeli zuen.

Daniel 11:31

“Edsuǥuen duen te hadì diyà te zizaya is menge sundaru zin he remeriki zan sikan is binerengbeng he baley te Nengazen. Ibpeengkezan dan te ebaal is andew-andew he kebpemuhat, ne idsavuk dan dutun is utew mezaat he iyan egkehimu he hinungdan te kebey-ani zutun te valey te Nengazen.

Daniel 12:11

“Edlavey is 1,290 he andew puun te timpu te kebpeengkeza te andew-andew he kebpemuhat wey kedsevuka te utew mezaat he vutang he egkehimu he hinungdan te kebey-ani zutun te valey te Nengazen taman te kegkeuma te ketepusan.

Daniel 8:11

Mid-isip din he lavew sikandin he mekeǥeǥehem te Pengulu te menge linimbag diyà te langit. Impeengked din is andew-andew he kebpemuhat diyà te valey te Megbevayà, ne midèdeetan din is baley te Megbevayà.

Daniel 8:13

Ne zutun nezineg ku is dezuwa he velinsuǥuen he ebpelelaǥà. Mid-insaan te sevaha he velinsuǥuen haazà is duma zin te, “Sengemenu keluǥayad is kegkeul-ulaha zuen te impelewasan he iyan: is kebpeengkezi te andew-andew he kebpemuhat, is kebeǥaya zuen te valey te Megbevayà, wey is kedtekutaki te menge linimbag diyà te langit?”

Leviticus 3:5

Ne edtutungen heini is langun kayi te menge memumuhat diyà te pemuhatà apil zuen te pemuhat he edtutungen. Is kehemut kayi he pemuhat te pinaaǥi te hapuy ne ebpekepenunuat te Nengazen.

Amos 4:4

“Sikiyu is menge Israilihanen, hendiyè kew te ed-ezapen niw ziyà te Betel wey Gilgal ne sigudu kew en baal te salà. Uwit kew te pemuhat niw kada meselem wey uwit kew te ikepulù niw kada tetelu he andew.

Numero 28:10

Iyan heini pemuhat he edtutungen kada Andew te Kedhimeley, he gawas en duen te andew-andew he pemuhat ragkes is pemuhat he inumen he zuma kayi.

Numero 28:15

Pemuhata niw zaan is Nengazen te sevaha he meemahan he kambing he pemuhat he para idlumpiyu. Beeli niw heini gawas duen te andew-andew he pemuhat he edtutungen wey zuen te pemuhat he inumen he zuma kayi.

Numero 28:23

Ipemuhat niw heini he id-uman duen te kada-andew he pemuhat he edtutungen kada meselem.

Numero 28:24

Heini he pemuhat, ipemuhat niw he pemuhat pinaaǥi te hapuy he keenen te Nengazen. Beeli niw heini kada andew seled te pitu he andew. Is kehemut kayi he pemuhat te pinaaǥi te hapuy ne ebpekepenunuat te Nengazen. Ipemuhat niw heini he id-uman duen te pemuhat he edtutungen wey pemuhat he inumen he ibpemuhat niw kada andew.

Numero 28:31

Ipemuhat niw heini zuma zuen te pemuhat he inumen, iuman heini zuen te ibpemuhat niw kada andew he pemuhat he edtutungen wey pemuhat he para gasa. Kinahanglan he haazà he menge uyaǥen wazà duen igkesawey.

Numero 28:4

Sevaha is ibpemuhat niw emun meselem ne sevaha zaan emun mahapun.

Numero 29:11

Pemuhat kew zaan te sevaha he meemahan he kambing he pemuhat he para idlumpiyu, he id-uman duen te sevaha pa he pemuhat he para idlumpiyu, su wey mevelukasi kew tenged te menge salè niw wey te kada andew he pemuhat he edtutungen he edlepikan te pemuhat he para gasa wey pemuhat he inumen.

Numero 29:16

Pemuhat kew zaan te sevaha he meemahan he kambing he pemuhat he para idlumpiyu, he id-uman heini zuen te kada andew he pemuhat he edtutungen he edlepikan te pemuhat he para gasa wey pemuhat he inumen.

Numero 29:6

Ipemuhat niw heini he id-uman duen te vinulan wey kada andew he menge pemuhat he edtutungen he edlepikan te menge pemuhat he para gasa wey pemuhat he inumen. Menge pemuhat heini he pinaaǥi te hapuy, is kehemut kayi ebpekepenunuat te Nengazen.