Numero 27:3 - Manobo Western Bukidnon OT

³ “Minatey is amey zey diyà te sibsivayan he wazè din anak he maama. Piru minatey sikandin kenà tenged te midsunud sikandin ki Kora te nekidsukulà te Nengazen, kekena, tenged te keugelingen din he salà.

Numero 27:3 ပူးပေါင်းရင်းမြစ်များ

Ezekiel 18:4

Pemineǥa niw heini! Is langun he untung ne kedì–is untung te menge ǥinikanan wey is untung te menge vatà. Iyan dà ebpatey tenged te rimeǥas te salà sikan is etew he nekesalà.

Numero 14:35

Iyan a is Nengazen migkaǥi kayi, ne kenà ebperis is kebeeli ku te nekaǥi ku he ebeelan ku kayi te mezaat he menge etew he nesevaha he egkuntada kedì. Ebpematey sikandan is langun kayi te sibsivayan.’ ”

Numero 16:19

Ne hein netiǥum en ni Kora is menge sumusunud kandin diyà te etuvangan ni Moises wey ni Aaron, diyà te ǥemawan te Tulda he Edtelevukaayan, mibpeehè en te langun he etew zutun is mekeǥeǥehem he kebpekiduma te Nengazen kandan.

Numero 16:49

Piru 14,700 is nemematey tenged dutun he kezeetan kenà ragkes is nemematey tenged ki Kora.

Numero 26:33

Is anak ni Hefer he si Zelofehad, wazè din anak he maama. Piru zuen din menge anak he vahi he is menge ngazan dan iyan ensi Mala, Noa, Hogla, Milca, wey Tirza.

Numero 27:2

Midhendiyà heini he menge vahi te gemawan duen te Tulda he Edtelevukaayan ne midhitindeg dan diyà te etuvangan ni Moises, ni Eleazar wey te menge pengulu, wey te langun he menge Israilihanen. Migkaǥi sikandan te,

Numero 27:4

Id-awè en be is ngazan din diyà te pemilya te Israel tenged te wazè din anak he maama? Beǥayi key zaan te tanà iring te nezawat te menge kezuzumahi zey.”