Numero 27:14 - Manobo Western Bukidnon OT

¹⁴ Su hein nekidsukulà kedì is menge Israilihanen diyà te serebseb diyà te sibsivayan he Zin, midsupak niw ki Aaron is suǥù ku te kebpaahà te kegkewaǥas ku ziyà te menge etew.” (Heini he serebseb iyan is Meriba Kadesh he ziyà te sibsivayan he Zin.)

Numero 27:14 ပူးပေါင်းရင်းမြစ်များ

Exodus 17:7

Ne haazà he lugar migngezanan, ni Moises te Masa wey Meriba, su geina te zutun sikandin tebeka te menge Israilihanen wey migezaman dan is Nengazen pinaaǥi te kegkaǥi te, “Midumahan kiw ve te Nengazen etawa wazà?”

Numero 13:21

Umbe, midhipanew sikandan ne midsusi zan haazà is tanà puun te sibsivayan he Zin pehendiyà te Rehob he uvey te Lebo Hamat.

Numero 20:1

Hein nehuna he vulan nekeuma is tivuuk he keet-etawan te Israel ziyà te sibsivayan he Zin, ne migkampu zan diyà te Kadesh. Dutun mebpatey si Miriam wey zutun daan ileveng.

Numero 20:24

“He Aaron, neume en is timpu he idtampu ke en diyà te menge kezuzumahi nu he nemematey en. Kenè ka ebpekeseled diyà te tanà he ibeǥey ku te menge Israilihanen su midsupak kew ki Moises te suǥù ku hein diyè kew te serebseb te Meriba.

Numero 20:5

Maan is impeǥawas key pa kenikew ziyà te Ehipto ne kayi key kenikew dumaha te wazè din pulus he lugar he wazà duen minsan trigu, higus, paras, etawa pumigranata? Ne wazè pa wahig he egkeinum!”

Numero 27:15

Migkaǥi si Moises diyà te Nengazen te,

Deuteronomio 1:37

“Ne tenged keniyu, minsan siak, ne nepeukan a te Nengazen. Ke sikandin te, ‘Ne sikew zaan, Moises, ne kenè ka ebpekeseled dutun he tanà.

Deuteronomio 4:22

Kayi e zà he tanà ebpatey ne kenà ad ebpekelayun te Jordan, piru sikiyu mulà ebpekelayun kew te Jordan su wey niw maangken haazà is meupiya he tanà.