Numero 27:11 - Manobo Western Bukidnon OT

¹¹ Emun wazà suled he maama te amey zin, ne ibeǥey is tanè din diyà te kinemegegetan he kezuzumahi zin, ne haazà iyan ebpekaangken duen. Kinahanglan he edtumanen heini te menge Israilihanen su velaud en heini he sulunuzen, sumalà te insuǥù ku ziyà te kenikew Moises.”

Numero 27:11 ပူးပေါင်းရင်းမြစ်များ

Jeremias 32:8

“Ne ǥeina te iyan heeyan migkaǥi te Nengazen, midhengkayi te kediey si Hanamel he id-aǥew ku, kayi te ubpeey te menge vantey. Ke sikandin te, ‘Deyzey ke ebpemesahan nu is bevesukè ku ziyà te Anatot he nesakup te tanà te tribu ni Benjamin. Duen nu ketenged wey ketengdanan te kedlekat wey ked-angken kayi, umbe pemesaha nu en heini para kenikew.’ ” Netuenan ku he iyan migkaǥi zutun is Nengazen,

Leviticus 25:25

Emun nepubri is duma niw he Israilihanen, he tenged dutun ingkevelegyè din is tanè din, is megeget he kezuzumahi zin iyan medlekat dutun.

Leviticus 25:49

anggam din, id-aǥew zin, etawa minsan hentei he megeget he kezuzumahi zin. Egkehimu zaan ke iyan mismu sikandin edlekat te keugelingen din emun ebpekevaug sikandin.

Numero 27:10

Ne emun wazè din suled he maama, ne ibeǥey is tanè din diyà te menge anggam din diyà te amey zin.

Numero 35:29

“Iyan heini menge sulunuzen he ereg he edtumanen niw taman te taman minsan hendei kew ed-ubpà.”

1 Samuel 30:25

Mibeelan haazà ni David he meupiya he edsunuzen te menge Israilihanen puun dutun taman guntaan.