Numero 26:62 - Manobo Western Bukidnon OT

⁶² Is kahabet te maama he menge kevuwazan ni Levi he senge vulan pehendiyà te metikang is keǥurang dan ne 23,000. Wazà sikandan iragkes diyà te ketivuukan he vilang te menge Israilihanen su wazè man kandan he vahin duen te tanà he egkepengevilin te menge Israilihanen.

Numero 26:62 ပူးပေါင်းရင်းမြစ်များ

Numero 1:47

Wazà iragkes kayi is menge kevuwazan ni Levi.

Numero 1:49

“Kenè niw iragkes te edsinsus is tribu ni Levi duma te zuma he menge Israilihanen he ebpenirbisyu emun timpu te tebek.

Numero 26:63

Iyan heini menge Israilihanen he nesinsus ni Moises wey ni Eleazar he memumuhat diyà te suǥud te Moab he kilid te Jordan he uvey te Jerico.

Numero 3:39

Is kahabet te langun he menge maama he kevuwazan ni Levi he is keǥurang dan senge vulan pehendiyà te metikang ne 22,000. Si Moises wey si Aaron is mibilang kandan sumalà te insuǥù te Nengazen kandan.

Numero 4:27

Si Aaron wey is menge anak din iyan edumala te menge kevuwazan ni Gershon mehitenged te vuluhaten dan, ed-uwit daan sikandan te menge gelemiten etawa ebaal te zuma he menge vuluhaten. Iyan kew ki Aaron kaǥi ke hengkey is ed-uwiten dan.

Deuteronomio 10:9

Iyan heini hinungdan ke maan is wazà mulà tanà he impepengevilin te menge kevuwazan ni Levi he nezawat mulà te zuma zan he menge Israilihanen. Iyan mismu kandan he kevilin is Nengazen sumalà is migkaǥi te Nengazen he Megbevayè niw.

Josue 13:14

Wazà beǥayi ni Moises is tribu ni Levi te tanà he egkepengevilin dan. Kekenà, iyan egkezawat dan is bahin te menge pemuhat pinaaǥi te hapuy he ibpemuhat diyà te Nengazen he Megbevayà te Israel, sumalà is migkaǥi zin diyà te ki Moises.

Josue 13:33

Iyan, wazà mulà beǥayi ni Moises te tanà he egkepengevilin dan is tribu ni Levi su iyan kandan he kevilin is Nengazen, he Megbevayà ni Israel, sumalà is migkaǥi zin kandan.

Josue 14:3

Mibeǥayan eni Moises te kandan he vahin sikan is dezuwa wey tengà he menge tribu ziyà te zapit te edsilaan te Jordan. Wazè din beǥayi te vahin is menge kevuwazan ni Levi, piru mibeǥayan din sikandan te menge inged he egkeubpaan dan wey menge penebtavà para te menge uyaǥen dan. Is kevuwazan ni Jose mibahin te zezuwa he tribu–is tribu ni Manase wey is tribu ni Efraim.