Numero 26:4 - Manobo Western Bukidnon OT

⁴ Kesikandan diyà te kandan te, “Sinsusa niw is menge maama he 20 he tuig is penuiǥen dan pehendiyà te metikang, sumalà te insuǥù te Nengazen ki Moises.” Iyan heini menge Israilihanen he migawas puun te Ehipto:

Numero 26:4 ပူးပေါင်းရင်းမြစ်များ

Genesis 46:8

Iyan heini menge ngazan te menge Israilihanen he menge kevuwazan ni Jacob he midhendiyà te Ehipto: si Reuben is kinekekayan he anak ni Jacob,

1 Cronica 21:1

Migkuntada ni Setanas is Israel, umbe kandin he ketau he mesinsus ni David is menge Israilihanen.

Exodus 12:51

Dutun he andew impeǥawas te Nengazen puun diyà te Ehipto is menge tribu te Israel.

Numero 1:1

Hein nehuna he andew te ikezuwa he vulan, dutun te ikezuwa he tuig te ked-awà te menge Israilihanen diyà te Ehipto, migkaǥi is Nengazen diyà te ki Moises diyà te Tulda he Edtelevukaayan he ziyà te sibsivayan he Sinai te,

Numero 26:3

Umbe, mibpekidlalag si Moises wey si Eleazar he memumuhat te menge Israilihanen diyà te suǥud te Moab he kilid te Wahig he Jordan he uvey te Jerico.

Numero 26:5

Is menge kevuwazan ni Reuben te kinekekayan he anak ni Jacob, iyan is pemilya ni Hanoc, Palu,