Numero 24:16 - Manobo Western Bukidnon OT

¹⁶ Nezineg ku is lalag te Utew Lavew he Megbevayà, ne mibeǥayen e zin te ketau. Duen mibpelewasan kedì te Mekeǥeǥehem he Megbevayà. Mibpekevavà a ziyà te etuvangan din, ne impesavut e zin. Ne iyan heini menge lalag ku:

Numero 24:16 ပူးပေါင်းရင်းမြစ်များ

Genesis 14:18

Ne zuen hadì te inged he Salem he si Melkizedek he midsinuǥung daan kandan. Mid-uwit sikandin te supas wey vinu su ibpekaan din wey ibpeinum din ki Abram. Memumuhat si Melkizedek te Utew Lavew he Megbevayà.

Genesis 17:1

Ne hein 99 en is penuiǥen ni Abram, mibpaahà kandin is Nengazen ne migkaǥi kandin te, “Siak, iyan a Megbevayà he Mekeǥeǥehem. Sunuza nu is menge penurù ku ne kinahanglan he wazà igkesewayi kenikew.

Numero 24:15

Ne migkaǥi ni Balaam heini he menge lalag: “Iyan a si Balaam he anak ni Beor, ne zuen ku meupiya he kedsavut.

Numero 24:17

“Duen neehè ku ziyà te nelewasan ku he wazè pa mehitavù. Diyà te ebpekeuma he timpu, duen egkehimu he hadì te Israel he ebpuun diyà te kevuwazan ni Jacob. Ne edezeetan din is menge Moabitanhen wey is langun he kevuwazan ni Shet.

Numero 24:3

ne migkaǥi sikandin te, “Iyan a si Balaam he anak ni Beor, ne zuen ku meupiya he kedsavut.

Numero 24:4

Nezineg ku is menge lalag te Megbevayà, wey zuen nelewasan ku he impelewasan kediey te Mekeǥeǥehem he Megbevayà. Mibpekevava a ziyà te etuvangan din, ne impesavut e zin. Ne iyan heini menge lalag ku: