Numero 23:4 - Manobo Western Bukidnon OT

⁴ Ne nekidhinguma kandin is Megbevayà, ne migkaǥi si Balaam te, “Mibpevaal a te pitu he pemuhatà, ne ziyà te kada pemuhatà nemuhat a te sevaha he tudu he vaka wey sevaha he kerehidu.”

Numero 23:4 ပူးပေါင်းရင်းမြစ်များ

Numero 22:20

Dutun he kezukileman migkaǥi is Megbevayà diyà te ki Balaam te, “Geina te midhengkayi en man heini is menge etew su edumahan ke zan, duma ke en nasì kandan, piru iyan nu zà beeli is egkeǥiyen ku.”

Numero 22:9

Ne mid-insà is Megbevayà diyà te ki Balaam, “Hentei heini is duma nu he menge etew?”

Numero 23:1

Migkeǥiyan ni Balaam si Balak te, “Peveeli a kayi te pitu he pemuhatà, ne endami a te pitu he tudu he vaka wey pitu he meemahan he kerehidu he memeǥurang en.”

Numero 23:16

Ne nekidhinguma is Nengazen ki Balaam ne migkaǥi zin is ibpekaǥi zin ki Balaam. Ne migkeǥiyan din te, “Likù ka ziyà te ki Balak ne keǥiya nu heini he menge lalag.”

Numero 23:3

Ne migkaǥi si Balaam diyà te ki Balak te, “Hitindeg ka ziyà te avey te pemuhat nu he edtutungen su egenat a dèpa. Su kela ke mebpekidhingume kedì is Nengazen. Egkeǥiyen ku zà kenikew ke hengkey is egkeǥiyen din kayi te kedì.” Umbe midtekezeg sikandin diyà te mehiǥawan he vuvungan.

Numero 23:5

Ne migkaǥi te Nengazen diyà te ki Balaam is ibpetuenan din, ke sikandin te, “Likù ka ziyà te ki Balak ne keǥiya nu kandin heini he menge lalag is migkaǥi ku.”