Numero 22:8 - Manobo Western Bukidnon OT

⁸ Ne migkaǥi si Balaam diyà te kandan te, “Kayi kew zà hizeǥà guntaan he kezukileman, ne egkeǥiyen ku ziyà te keniyu keeselem is egkeǥiyen te Nengazen kayi te kedì.” Umbe ziyà medhizeǥà haazà is menge pengulu te Moab.

Numero 22:8 ပူးပေါင်းရင်းမြစ်များ

1 Hadì 13:8

Piru midtavak haazà is suluǥuen te Megbevayà te, “Minsan ibeǥey nu pa kediey is ketengà te menge azen nu, kenà a eduma kenikew etawa kenà a egkaan etawa ed-inum kayi he lugar.

1 Hadì 22:14

Piru midtavak si Micaya te, “Mibpenangdù a ziyà te uuyag he Nengazen he iyan dà egkeǥiyen ku is ibpekaǥi zin kedì.”

Jeremias 12:2

Midtuvazan nu sikandan iring te kayu he nendalid he midtuvù wey nemeǥas. Ne pinaaǥi zà te vèbà is kebeǥayi zan kenikew te zengeg ne kenà diyà ebpuun te ǥehinawa zan.

Ezekiel 33:31

Umbe, ed-uvey is menge etew ku ziyà te kenikew iring duen te layun dan ebeeli, ebpinuu zan diyà te etuvangan nu he henduen be te tutuu he ebpemineg dan kenikew, piru iyan benar is wazè dan tumana is mibpengaǥi nu. Netuleng dan dà te kegkaǥi he mahal e zan, piru iyan diyà te ǥehinawa zan is dekelà he kadar te selapì.

Numero 12:6

migkaǥi is Nengazen te, “Pemineǥa niw heini: Emun duen ku ebpeneuven diyà te keniyu, ne ebpekidlalag a kandin pinaaǥi te ibpelewasan ku wey ibpeteǥeinep ku.

Numero 22:18

Piru midtavak sikandan ni Balaam te, “Minsan ibeǥey pa kedì ni Balak is turuǥan din he nepenù te pelata wey vulawan, kenà egkehimu ke edrepasen ku is suǥù te Nengazen he Megbevayè ku, dekelà etawa zeisey he vaal.

Numero 22:38

Midtavak si Balaam te, “Nekeuma ad. Piru wazè ku egkekaǥi ziyà te kenikew gawas te ibpekaǥi kedì te Megbevayà.”

Numero 22:7

Umbe, migenat is menge perezumala ziyà te Moab wey Midian he uwiten dan is ibayad ki Baalam. Midtudtulan dan heini te migkaǥi ni Balak.

Numero 22:9

Ne mid-insà is Megbevayà diyà te ki Balaam, “Hentei heini is duma nu he menge etew?”

Numero 23:12

Midtavak si Balaam te, “Kinahanglan he egkeǥiyen ku is ibpekagi te Nengazen kediey.”

Numero 23:3

Ne migkaǥi si Balaam diyà te ki Balak te, “Hitindeg ka ziyà te avey te pemuhat nu he edtutungen su egenat a dèpa. Su kela ke mebpekidhingume kedì is Nengazen. Egkeǥiyen ku zà kenikew ke hengkey is egkeǥiyen din kayi te kedì.” Umbe midtekezeg sikandin diyà te mehiǥawan he vuvungan.

Numero 24:13

he minsan iveǥey nu pa kediey is turuǥan nu he nepenù te pelata wey vulawan, ne kena a ebpekehimu he ebaal te keugelingen ku he suat, mezaat man heini etawa meupiya. Kekenà, iyan dà egkeǥiyen ku is egkeǥiyen te Nengazen kayi te kediey.