Numero 22:7 - Manobo Western Bukidnon OT

⁷ Umbe, migenat is menge perezumala ziyà te Moab wey Midian he uwiten dan is ibayad ki Baalam. Midtudtulan dan heini te migkaǥi ni Balak.

Numero 22:7 ပူးပေါင်းရင်းမြစ်များ

Isaias 1:23

Is menge pengulu nu ne mibpekidsukulà wey miduma te menge tekawen. Egkesuat dan he layun edsipsip, wey ebuyù sikandan te menge gasa. Wazè dan levani is ketenged dutun te menge ilu wey wazè dan pemineǥa is riklamu te valu he menge vahi.

Isaias 56:11

Iring sikandan te leǥezen he menge asu he kenà egkepezaan. Menge perevantey sikandan te Israel he wazè dan kedsavut. Is kada sevaha kandan mibpenigudu en mebaal te egkesuatan din te ebaal ne iyan dà edtinguhaan din is kandin dà he keupiyaanan.

Ezekiel 13:19

Mibpendezeisey a keniyu ziyà te etuvangan te menge etew ku tenged dà te nepipira he kemkem te barli wey nepipira he supas. Mibpenhimetayan niw is kenà ereg he edhimetayan, ne mibpesagdan niw he meuyag-uyag is ereg pezem he ebpatey.

Ezekiel 21:21

Su is hadì te Babilonia edhitindeg diyà te lembaǥan keniyan te zezuwa he kersada ne ibarè din ke hendei zutun te zezuwa is ed-ikulen din pinaaǥi te kedhubus te vesut te panà, wey kedsusi te atey te uyaǥen he impemuhat, wey ked-insà diyà te menge ed-ezapen.

Micas 3:11

Emun edhukum kew ebpeburan niw is ebeǥey te sipsip diyà te keniyu. Ne sikiyu is menge memumuhat, ebpenurù kew su ǥeina te ebeyazan kew. Ne sikiyu zaan is menge ebpeneuven, ebpenagnè kew tenged dà te selapì. Edsarig kew pa he edtevangan kew te Nengazen, su egkaǥi kew te, ‘Zuma zey is Nengazen. Umbe wazà mezaat he egkehitavù kenami.’

Numero 22:8

Ne migkaǥi si Balaam diyà te kandan te, “Kayi kew zà hizeǥà guntaan he kezukileman, ne egkeǥiyen ku ziyà te keniyu keeselem is egkeǥiyen te Nengazen kayi te kedì.” Umbe ziyà medhizeǥà haazà is menge pengulu te Moab.

Numero 23:23

Wazà beyilan etawa barang he ed-uteng diyà te kandan. Umbe egkaǥi is menge etew mehitenged te Israel te, ‘Utew egkein-inuwi is mibeelan te Megbevayà diyà te Israel.’

Numero 24:1

Hein nepurung mesavut ni Balaam he egkesuat is Nengazen he penubtuvazi is Israel, wazè din en gemita is kebpeveveyilan din he iring te nehuna he vaal zin. Kekenà, midsinaru sikandin diyà te sibsivayan,

Josue 13:22

Ragkes daan te midhimetayan te menge Israilihanen si Balaam he menenagnà he anak ni Beor.