Numero 22:5 - Manobo Western Bukidnon OT

⁵ mibpesuǥuan din te menge menunudtulà si Balaam he anak ni Beor he meǥinged diyà te Petor he iyan tanà he mid-enakan kandin, he uvey te wahig he Eufrates. Iyan heini menge lalag ni Balak: “Duen menge etew he ebpuun diyà te Ehipto, utew sikandan mahabet ne kayi zan med-ubpà te uvey zey.

Numero 22:5 ပူးပေါင်းရင်းမြစ်များ

Genesis 13:16

Ne is menge kevuwazan nu, edhimuwen ku sikandan he iring te eliyavuk. Emun kenà egkevilang is eliyavuk, kenà egkevilang daan is menge kevuwazan nu.

Salmo 105:24

Ne impemezakel te Nengazen is menge etew zin; ne egkereǥenan he edaag kandan is menge tig-Ehipto he menge kuntada zan.

Exodus 10:15

Midhurunan dan is tivuuk he Ehipto ne henduen be te mibmeitem is tanà. Mid-amin dan keena sikan is wazà mezeeti zuen te ǥiyew. Migkaan dan is minsan hengkey he midtuvù diyà te menge pemuleey wey is menge veǥas te kayu. Umbe wazè en nesamà he pinemula ziyà te tivuuk he Ehipto.

Micas 6:5

He menge etew ku, tentenuzi niw he midsuǥù ni Hadì Balak he hadì te Moab si Balaam he anak ni Beor te kedrawak keniyu piru penuvadtuvad keniyu is impekaǥi ku ki Balaam. Tentenuzi niw zaan ke mibmenumenu ku sikiyu te edtavang hein midhipanew kew puun te Shitim pehendiyà te Gilgal. Tentenuzi niw heini he menge hitavù su wey niw meisip-isip is kedlibriya ku keniyu.”

Numero 23:7

Ne migkaǥi si Balaam, “He Balak he hadì te Moab, impaangey a kenikew puun te Aram he ziyà te menge vuvungan he zapit te edsilaan. Iyan lalag he impeuwit nu kayi te kediey is, ‘Agpas ka hendini, ne rewaki nu is menge kevuwazan ni Jacob para kediey. Rewaki nu sikandan is menge etew te Israel.’

Numero 31:8

Ragkes dutun te mibpenhimetayan dan is lelima he hadì diyà te Midian he iyan ensi Evi, Rekem, Zur, Hur, wey Reba. Midhimetayan dan daan si Balaam he anak ni Beor pinaaǥi te ispada.

Deuteronomio 23:4

Su wazà kew zan beǥayi te keenen etawa wahig hein midhipanew kew puun te Ehipto, ne midsuhulan dan pa si Balaam is anak ni Beor he tig-Petor ziyà te Aram Naharaim te kedrawak keniyu.

Deuteronomio 23:5

Piru wazà pemineǥa te Nengazen he Megbevayè niw si Balaam. Kekenà, midhimu zin he tuvad sikan is rawak pezem keniyu, su mahal kew te Nengazen he Megbevayè niw.

Josue 13:22

Ragkes daan te midhimetayan te menge Israilihanen si Balaam he menenagnà he anak ni Beor.

Josue 24:9

Ne nekidtebek te Israel is hadì te Moab he si Balak he anak ni Zipor. Midsuǥù din si Balaam he anak ni Beor te kedrawak keniyu.