Numero 22:12 - Manobo Western Bukidnon OT

¹² Piru migkeǥiyan te Megbevayà si Balaam te, “Kenè ka zuma kandan. Ne kenè nu rewaki haazà is menge etew he egkeǥiyen dan, su midtuvazan ku sikandan.”

Numero 22:12 ပူးပေါင်းရင်းမြစ်များ

Genesis 12:2

“Edhimuwen ku is menge kevuwazan nu he utew zekelà he nasyun. Ne edtuvazan ku sikew ne edhimuwen ku he utew mevantug is ngazan nu. Ne pinaaǥi zaan kenikew, edtuvazan ku is mezakel he menge etew.

2 Cronica 31:10

Midtavak si Azaria, is lavew he memumuhat he kevuwazan ni Zadok, te, “Puun te kedsuǥud ked-uwit te menge etew te menge halad kayi te valey te Nengazen ne kenè en kurang is keenen dey, kekenà, dekelà pa is subra, su midtuvazan te Nengazen is menge etew zin.”

Salmo 144:15

Utew zeysey is menge etew he egkeiring kayi is ked-ubpè dan. Deyzey is menge etew he nekekilala wey midtuu te tutuu he Megbevayà he Nengazen.

Salmo 146:5

Utew zeyzey is etew he iyan edtavang kandin kes Megbevayà he ed-ezapen ni Jacob, ne iyan edseriǥan din is Nengazen he Megbevayè din,

Isaias 61:9

Is menge kevuwazan dan egkilelaan diyà te menge nasyun. Is langun he ebpekaahà kandan egkilala he iyan sikandan menge etew he edtuvazan ku.”

Micas 6:5

He menge etew ku, tentenuzi niw he midsuǥù ni Hadì Balak he hadì te Moab si Balaam he anak ni Beor te kedrawak keniyu piru penuvadtuvad keniyu is impekaǥi ku ki Balaam. Tentenuzi niw zaan ke mibmenumenu ku sikiyu te edtavang hein midhipanew kew puun te Shitim pehendiyà te Gilgal. Tentenuzi niw heini he menge hitavù su wey niw meisip-isip is kedlibriya ku keniyu.”

Numero 22:11

‘Duen menge etew he ebpuun diyà te Ehipto he utew mezakel. Umbe hendini ka ǥuntaan ne rewaki nu sikandan para kedì. Su kela ke mezaag ku zed sikandan ne egkesegseg ku pehendiyà te meziyù.’ ”

Numero 22:13

Ked-enew ni Balaam hein meselem, migkeǥiyan din sikan is menge pengulu ni Balak te, “Ulì kew en nasì diyà te nasyun niw su kenà edtuǥut is Nengazen ke eduma a keniyu.”

Numero 22:6

Umbe hendini ka ǥuntaan ne rewaki nu heini he menge etew, su edhuna sikandan he gemhanan kenami. Su kela ke mezaag ku zed sikandan ne egkesegseg ku puun kayi te tanè ku. Su netuenan ku he egketuman is ibpenuvadtuvad nu wey is idrawak nu te minsan hentei.”

Numero 23:23

Wazà beyilan etawa barang he ed-uteng diyà te kandan. Umbe egkaǥi is menge etew mehitenged te Israel te, ‘Utew egkein-inuwi is mibeelan te Megbevayà diyà te Israel.’

Numero 23:3

Ne migkaǥi si Balaam diyà te ki Balak te, “Hitindeg ka ziyà te avey te pemuhat nu he edtutungen su egenat a dèpa. Su kela ke mebpekidhingume kedì is Nengazen. Egkeǥiyen ku zà kenikew ke hengkey is egkeǥiyen din kayi te kedì.” Umbe midtekezeg sikandin diyà te mehiǥawan he vuvungan.

Numero 23:8

Ebmenmenuwen ku te edezaat is menge etew he wazà dezeeti te Megbevayà? Ebmenmenuwen ku te edrawak is menge etew he wazà rewaki te Nengazen?

Numero 24:9

Iring sikandan te menge erimaung he emun ebpekelipezeng en ne wazè en ebpeǥaruǥaru he ebpukew kandan. Edtuvazan is ebpenuvadtuvad kandan ne edrewakan is ebpenrawak kandan.”

Deuteronomio 2:7

Tentenuzi niw is kedtuvazi ku te langun he mibeelan niw. Iyan a Nengazen he Megbevayè niw, iyan a mibantey keniyu ziyà te hipanew niw kayi te meluag he sibsivayan. Seled te 40 he tuig is kebpekiduma ku keniyu ne wazà megkurang is minsan hengkey he kinahanglan niw.” ’ Iyan haazà lalag te Nengazen kediey.

Deuteronomio 23:5

Piru wazà pemineǥa te Nengazen he Megbevayè niw si Balaam. Kekenà, midhimu zin he tuvad sikan is rawak pezem keniyu, su mahal kew te Nengazen he Megbevayè niw.

Deuteronomio 28:6

Edtuvazan din is langun he menge vaal niw.

Deuteronomio 33:29

Utew kew zeyzey is menge etew te Israel! Wazà iring keniyu su iyan kew menge etew he midlibri te Nengazen. Is Nengazen iyan ebpengalang wey edtavang keniyu, ne iyan sikandin ebpekidtebek para keniyu. Ebpenanap is menge kuntada niw pehendiyà te keniyu, ne edtekutakan niw is menge peka zan.”

Deuteronomio 7:14

Edtuvazan kew zin lavew te zuma he menge etew. Diyà te keniyu, wazà maama he kenà egkehimu he ebpekepaanak wey wazà bahi he kenà egkehimu he ebpekaanak, ne iring din ded daan is menge uyaǥen niw.