Numero 21:3 - Manobo Western Bukidnon OT

³ Mibpemineg te Nengazen is pengemuyù te menge Israilihanen ne impezaag din kandan is menge Canaanhen. Ne midèdeetan dan is langun he menge Canaanhen dutun ragkes en is menge inged dan, umbe migngezanan haazà he lugar te Horma.

Numero 21:3 ပူးပေါင်းရင်းမြစ်များ

Salmo 10:17

Nengazen, nezineg nu is ampù te menge egkaayuayu he menge etew. Ne ǥeina te ebpemineǥen nu sikandan, edlig-enan nu sikandan.

Salmo 102:17

Edtevaken din is ampù te menge mekehizuhizu; kenè din ebpekewezaan is ked-ampù dan.

Salmo 116:1

Mibmahal ku is Nengazen, su ebpemineǥen din wey edtevaken din is kebuyù ku te tavang diyà te kandin.

Salmo 91:15

Emun ed-umawen e zin, ne edtevaken ku sikandin; emun edlised sikandin, ne eduma a kandin; edlibriyen ku sikandin wey ebeǥayan ku te zengeg.

Numero 14:45

Ne midsurung kandan is menge Amalikanhen wey menge Canaanhen he meǥinged dutun te menge vuvungan, ne nezaag sikandan, ne midal-as sikandan taman te Horma.

Deuteronomio 1:44

Ne nekidtebek keniyu is menge Amorihanen he meǥinged dutun, ne henduen sikandan te petiyukan is edal-as keniyu puun te Seir taman te Horma, ne nezaag kew.

Deuteronomio 20:16

Piru is menge etew ziyà te menge inged he ibeǥey keniyu te Nengazen he Megbevayè niw su wey niw mepengevilin, geraa niw is langun.

Josue 12:14

hadì te Horma hadì te Arad

Josue 15:30

Eltolad, Kesil, Horma,

Zatù 1:17

Ne iyan en maan mid-uǥupan te tribu ni Juda is tribu ni Simeon te ked-aǥew te inged he Zefat he ed-ubpaan daan te menge Canaanhen. Mibpurungan dan dèdeeti heini he inged, umbe migngezanan heini te Horma.

1 Samuel 30:30

diyà te Horma, Borashan, Atac,