Numero 20:8 - Manobo Western Bukidnon OT

⁸ “Kuwaa nu sikan is tuked nu ne tiǥuma niw zuen te suled nu he si Aaron is langun he menge etew. Ne zutun te edtengteng dan, ne keǥiyi nu is batu he mebeǥey te wahig, ne edtudà is wahig su wey niw meveǥayi te wahig is menge etew su wey zan mekeinum duma te menge uyaǥen dan.”

Numero 20:8 ပူးပေါင်းရင်းမြစ်များ

Genesis 18:14

Ne mid-uman megkaǥi is Nengazen te, “Duen be minsan hengkey he kenà egkehimu te Nengazen? Sumalà is migkaǥi ku, edlikuan ku sikiyu seled te senge tuig ne ed-anak iyan dutun si Sara te maama.”

Nehemias 9:15

Hein egkevitil sikandan, mibeǥayan nu sikandan te keenen he ebpuun te langit. Ne hein egkemezahan sikandan, impeinum nu sikandan te wahig he ebpuun diyà te vatu. Migkeǥiyan nu sikandan he selezi zan wey engkena zan is tanà he impenangdù nu he ibeǥey nu kandan.

Salmo 105:41

Mid-ebriyan din is batu ne migawas is wahig. Ne neiring heini te wahig he edtudà su midtudà heini pehendiyà te disirtu.

Salmo 114:8

ne midhimu zin he peneng wey serebseb he edtudà sikan is lintikan he vatu.

Salmo 33:9

Su migkaǥi zà sikandin ne nehimu en is kelibutan. Mibmandù dà sikandin ne nehimu is langun.

Exodus 14:16

Ivayew nu is tuked nu ziyà te zivavew keniyan te zaǥat su wey meluwisi is egkezalandalan he tanà diyà te zizalem keniyan te zaǥat su para zutun ebayà is menge Israilihanen.

Exodus 17:9

Ne migkaǥi si Moises diyà te ki Josue te, “Pilì ka te menge sakup tew kayi he ebpekidtebek keniyan te menge Amalikanhen. Ne keeselem edhitindeg a ziyà te vuvungan is egkulang duen te tuked te Nengazen.”

Exodus 4:17

Iyan, uwita nu heeyan is tuked he egewezan nu su pinaaǥi keniyan ebpekehimu ka te menge singyal.”

Exodus 4:2

Ne migkaǥi is Nengazen diyà te kandin te, “Hengkey heeyan is egewezan nu?” Ne midtavak sikandin te, “Tuked.”

Exodus 4:20

Ne migkuwa ni Moises is esawa zin wey sikan is menge anak din he pudu maama, ne impeuntud din sikandan te asnu su egenat dan en pehendiyà te Ehipto. Ne mid-uwit daan ni Moises sikan is tuked te Megbevayà.

Exodus 7:20

Ne midtuman ni Moises wey ni Aaron is insuǥù kandan te Nengazen. Imbayew ni Aaron sikan is tuked din diyà te etuvangan te hadì te Ehipto wey te menge upisyal zin, ne inlagkut din diyà te Wahig he Nilo, ne zutun mid-amin mebaluy he lengesa haazà is wahig.

Isaias 43:20

Minsan is leew he menge langgam ebeǥey kedì te zengeg, ragkes is leew he menge asu wey is menge ekang, su mibeǥey a te menge teheb diyà te disirtu su para zuen meinum te menge etew he pinilì ku.

Isaias 48:21

Wazà sikandan memezahi hein mibpenguluwan sikandan te Megbevayà diyà te sibsivayan, su impetudè din puun te vatu is wahig he egkeinum dan. Impeveka zin is batu ne midlepew zutun is wahig.

Numero 20:11

Ne imbayew ni Moises sikan is tuked din ne midlagkut din te kezezuwa sikan is batu, ne midlepew zutun is wahig, ne mid-inum is menge etew wey is menge uyaǥen dan.

Numero 20:7

Migkaǥi is Nengazen diyà te ki Moises te,

Numero 21:15

wey is alug te menge zal-ug he ebpeketemu ziyà te inged he Ar he ziyà te dulunà te Moab.

Numero 21:18

he impekalut te menge pengulu wey dungganen he menge etew pinaaǥi te keǥehem dan.” Ne puun dutun he sibsivayan midhendiyè dan te Matana;

Josue 6:20

Impezaǥing te menge memumuhat is menge vudyung dan, ne nemengulahì is menge Israilihanen hein nezineg dan heini. Ne neregdas is berengbeng dutun te inged ne utew zà melemu is kedseled dan ne mid-aǥew zan haazà is inged.

Josue 6:5

Ne emun egkezineg niw en is mezaǥing wey egkeuǥet ebpengkusa he zaǥing te vudyung dan, ne kulahì kew is langun te utew mezaǥing. Ne zutun he timpu egkeregdas is berengbeng keniyan he inged. Ne zutun wazè en ebpekaalang keniyu te kedseled niw.”