Numero 20:6 - Manobo Western Bukidnon OT

⁶ Umbe, mid-awà si Moises wey si Aaron diyà te menge etew, ne midhendiyè dan te gemawan te Tulda he Edtelevukaayan, ne midluhud dan is ebpengemuyù. Ne mibpaahà kandan is mekeǥeǥehem he kebpekiduma te Nengazen.

Numero 20:6 ပူးပေါင်းရင်းမြစ်များ

1 Cronica 21:16

Midlingahà si David ne neehè din is belinsuǥuen te Nengazen he midhitendeg diyà te hewhewanan, he teliwazà te langit wey tanà he egawed te lembitan he ebpeketezù diyà te Jerusalem. Ne midluhud si David wey haazà is menge ebpemendumala te Israel, he mibpengukumbalà te saku he tuus te kedlalew zan.

Exodus 16:10

Ne zutun te kedlelaǥi ni Aaron te tivuuk he keet-etawan, midtengteng sikandan diyà te sibsivayan ne netik-ew zan maahà dutun is mekeǥeǥehem he kebpekiduma te Nengazen diyà te ǥapun.

Exodus 17:4

Ne zutun mibuyù te tavang si Moises diyà te Nengazen, “He Nengazen, hengkey is ebeelan ku kayi te menge etew? Samè dà kenè e zan penulenga te vatu!”

Numero 12:5

Ne mibulus is Nengazen pinaaǥi te ǥapun he henduen be te tukud ne midhitindeg diyà te ǥemawan duen te Tulda he Edtelevukaayan ne mid-umew zin si Aaron wey si Miriam. Ne hein mid-uvey haazà is dezuwa,

Numero 14:10

Ne zutun, ebpenulengen en pezem sikandan te vatu te menge zuma zan he Israilihanen, piru midtik-ew mebpaahà diyà te zivavew zuen te Tulda he Edtelevukaayan is mekeǥeǥehem he kebpekiduma te Nengazen.

Numero 14:5

Ne si Moises wey si Aaron midluhud diyà te etuvangan te tivuuk he keet-etawan te Israel he netiǥum dutun.

Numero 16:19

Ne hein netiǥum en ni Kora is menge sumusunud kandin diyà te etuvangan ni Moises wey ni Aaron, diyà te ǥemawan te Tulda he Edtelevukaayan, mibpeehè en te langun he etew zutun is mekeǥeǥehem he kebpekiduma te Nengazen kandan.

Numero 16:22

Piru midluhud si Moises wey si Aaron he ke sikandan te, “He Megbevayà he ebpuunan te untung te langun he menge etew, edelehiǥen nu ve te pauk nu is langun he etew kayi te sevaha zè man is nekesalà?”

Numero 16:4

Kegkezineǥa ni Moises kayi, midluhud sikandin is nengemuyù diyà te Nengazen.

Numero 16:42

Dutun te kedtiǥum dan su ibpetuenan dan ki Moises wey ki Aaron is menge riklamu zan, midsinaru zan diyà te Tulda he Edtelevukaayan ne neehè dan he netembunan heini te ǥapun ne impaahà te Nengazen is mekeǥeǥehem he kebpekiduma zin.

Numero 16:45

“Pekeziyù kew keniyan te menge etew su segugunè ku sikandan edèdeeti.” Ne midluhud sikandan is dezuwa.

Numero 20:7

Migkaǥi is Nengazen diyà te ki Moises te,

Josue 7:6

Ne tenged te kegkeseeng, si Josue wey is ebpemendumala te Israel, mibindas dan is menge visti zan ne mibukbukan dan te eliyavuk is menge ulu zan, ne taman te mezukilem, midlangkeb dan diyà te etuvangan duen te Kavan te Kebpekid-uyun te Nengazen.