Numero 20:4 - Manobo Western Bukidnon OT

⁴ Maan is miduma key kenikew is menge etew te Nengazen kayi te sibsivayan su wey key mebpatey zuma te menge uyaǥen dey.

Numero 20:4 ပူးပေါင်းရင်းမြစ်များ

Salmo 106:21

Midlipatan dan is Megbevayà he midlibri kandan wey mibaal te mekeǥeǥehem wey egkein-inuwan he menge vaal ziyà te Ehipto he tanà te menge kevuwazan ni Ham, wey sikan is baal zin diyà te Zaǥat he Meriǥà.

Exodus 16:3

Ke sikandan te, “Deyzey pa ke ziyè key zà himetayi te Nengazen hein diyè key pa te Ehipto. Diyà, ne ebayèbayè key te minsan hengkey he egkekaan dey. Piru ǥuntaan, mid-uwit key kayi keniyu te sibsivayan wey key mengeumes.”

Exodus 17:3

Piru egkengemezahan utew haazà is menge etew zutun, umbe mibpedayun is kedriklamu zan diyà te ki Moises. Ke sikandan te, “Maan is impeǥawas key pa kenikew ziyà te Ehipto? Ebpematey key zè bes te kegkemezahi kayi duma te menge anak dey wey menge uyaǥen dey.”

Exodus 5:21

ne migkeǥiyan dan haazà is dezuwa te, “Berakat he siluti kew te Nengazen, su keniyu he vaal is utew ingkeepesi kenami te hadì wey te menge upisyal zin. Is mibeelan niw ne iyan egkehimu he hinungdan te kedhimetayi zan kenami.”

Numero 11:20

kekena, senge vulan, taman te igkeutè niw heini su edsemuwen kew en. Su inselikwey a keniyu is nekiduma keniyu, ne midriklamu kew kayi te kedì he ke sikiyu te, deyzey pa ke wazè kew en med-awà diyà te Ehipto.’ ”

Numero 11:5

Hein diyè kiw pa te Ehipto ebpekekaan kiw te isdà he wazè din bayad wey menge timun, menge milun, menge sibuyas, wey menge ahus.

Numero 14:2

Mibegulbul sikandan diyà te ki Moises wey ki Aaron. Ke sikandan te, “Deyzey pa ke nemematey kiw en diyà te Ehipto etawa kayi te sibsivayan.

Numero 16:41

Ne sunud he andew, midriklamu en maan is tivuuk he keet-etawan te Israel ziyà te ki Moises wey ki Aaron. Ke sikandan te, “Mibpenhimetayan niw is menge etew te Nengazen.”

Zatù 11:16

Hein ebpuun diyà te Ehipto is menge kepuun dey, mibayè dan diyà te sibsivayan pehendiyà te Zaǥat he Meriǥà taman te nekeuma zan diyà te Kadesh.