Numero 20:13 - Manobo Western Bukidnon OT

¹³ Haazà he lugar migngezanan te serebseb te Meriba su mibpekidlalis is menge Israilihanen te Nengazen kayi he lugar, wey kayi zaan ipaahà te Nengazen kandan is kegkewaǥas din.

Numero 20:13 ပူးပေါင်းရင်းမြစ်များ

Salmo 81:7

Hein egkereǥenan kew mid-umew a keniyu ne midlibri ku sikiyu. Ne ziyà te mid-elesan ku he kivel midtavak ku is umew niw. Ne migezaman ku sikiyu ziyà te serebseb te Meriba.

Salmo 81:8

Sikiyu is menge etew ku he menge tig-Israel, pemineǥa niw is petizaan ku keniyu. Deyzey pezem ke ebpemineǥen a keniyu!

Salmo 95:8

ne kenè niw pekezesena is gehinawa niw iring te mibeelan te menge kepuun niw zengan hein diyà sikandan te Meriba, wey hein diyà sikandan te sibsivayan he Masa.

Exodus 17:7

Ne haazà he lugar migngezanan, ni Moises te Masa wey Meriba, su geina te zutun sikandin tebeka te menge Israilihanen wey migezaman dan is Nengazen pinaaǥi te kegkaǥi te, “Midumahan kiw ve te Nengazen etawa wazà?”

Isaias 5:16

Piru is Nengazen mulà he Mekeǥeǥehem edeliǥen tenged te kedhukum din. Pinaaǥi te metazeng he kedhukum din, ibpeehè din he waǥas sikandin he Megbevayà.

Ezekiel 20:41

Emun egkekuwa ku en sikiyu puun diyà te nekedseselekawà menge nasyun he zutun kew mekepeyapat, edewaten ku sikiyu he iring te pemuhat he veyewà he mehemut. Pinaaǥi kayi te ebeelan ku ziyà te keniyu igkepeehè ku ziyà te keniyu is kegkewaǥas ku egkaahà heini te menge zuma he nasyun.

Ezekiel 36:23

Iyan a, is Nengazen he MEGBEVAYÀ, migkaǥi te ibpeehè ku ke sengemenu is kegkewaǥas te zengeg te ngazan ku ziyà te menge nasyun he zutun niw pendezeisaya heini. Ne egketuenan te menge etew keniyan he menge nasyun he iyan a Nengazen emun igkepeehè ku en kandan is kegkewaǥas ku pinaaǥi te ebeelan ku ziyà te keniyu.

Ezekiel 38:16

Edsurungen nu is menge etew ku he Israilihanen he henduen kew te ǥapun he ebpeketambun te tanà. Uya, ibpesurung ku kenikew Gog, is nasyun ku te huziyan he timpu. Ne pinaaǥi te ebpeveelan ku kenikew, igkepeehè ku ziyà te menge nasyun is kegkewaǥas ku. Ne egketuenan dan he iyan a Nengazen.’ ”

Deuteronomio 32:51

Su pudu kew is dezuwa neewai te kedsarig kediey ziyà te etuvangan te menge Israilihanen hein diyè kew te serebseb te Meriba ziyà te Kadesh, he ziyà te sibsivayan he Zin. Wazè niw ikepaahà is kegkewaǥas ku ziyà te etuvangan dan.

Deuteronomio 33:8

Mehitenged te tribu ni Levi, migkaǥi si Moises te, “He Nengazen, imbeǥey nu is beveraan he Thumim wey Urim diyà te metinumanen he menge suluǥuen nu he iyan is menge kevuwazan ni Levi. Migezaman nu sikandan diyà te Masa ne midsawey nu ziyà te wahig te Meriba.