Numero 2:2 - Manobo Western Bukidnon OT

² “Ipekampu niw is kada tribu te Israel ziyà te zizalem te bendira te kada tribu zan. Ne ziyà ibpelastar sikan is Tulda he Edtelevukaayan te teliwazè dan.

Numero 2:2 ပူးပေါင်းရင်းမြစ်များ

Salmo 74:4

Nen-ugyab dutun te valey nu is menge kuntada nu, su ibpeehè dan is kegkezeeǥa zan kenami te menge etew nu. Midsavuk dan te bendira zan he tuus te kebpekezaag dan.

Salmo 76:11

Pesarig kew ziyà te Nengazen he Megbevayè niw ne tumana niw heini. Ipeuwit niw is menge meǥinged te kesikbit niw he menge nasyun te menge gasa ziyà te telehuzen he Megbevayà.

Isaias 12:6

Ugyab kew wey megkanta te kelipey, is menge etew te Jerusalem. Su mekeǥeǥehem is Waǥas he Megbevayà te Israel he iyan duma niw.”

Isaias 18:3

Sikiyu is langun he meǥinged kayi te kelibutan, bentayi niw is kebeyawa te bendirà diyà te vuntud, ne pemineǥa niw is daǥing te vudyung.

Ezekiel 43:7

he migkaǥi kayi te kedì te, “Sikew is etew, iyan heini pinuuwè ku te kedhadì wey untuzà te menge paa ku. Kayi a ed-ubpà duma te menge Israilihanen te wazà pidtemanan. Ne kenè en ed-umanan ebpendezeisaya te menge Israilihanen wey te menge hadì dan is waǥas he ngazan ku pinaaǥi te ked-azap dan te zuma he menge ed-ezapen etawa ked-azap te menge munyumintu te menge hadì dan he nemematey en.

Zacarias 9:16

Dutun he andew edlibriyen sikandan te Nengazen he Megbevayè dan he iring te menge kerehidu zin. Mekempet wey mezagwey sikandan he edtengtengan diyà te tanè dan. Iring sikandan te mahalen he menge vatu he ed-ilak-ilak diyà te kuruna. Is dekelà he sebpet dan ebpekeveǥey te zesen diyà te menge vetan-en dan.

Numero 1:50

Kekenà, iveǥey kandan he ketengdanan is kedumala zuen te Tulda he Ed-ezapan he zutun itaǥù sikan is Kesuǥuan, wey is langun he ǥelemiten kayi. Iyan sikandan ed-uwit dutun te Tulda wey te langun he ǥelemiten kayi. Kinahanglan he ed-etimanen dan heini, ne kinahanglan he ziyè dan megkampu te ebpekeliǥuy kayi.

Numero 10:14

Is grupu he midhuna he uwiten dan is bendira zan iyan is grupu he ebpenguluwan te tribu ni Juda. Is pengulu zan iyan si Nashon he anak ni Aminadab.

Numero 10:18

Ne is midtinundug kandan he ed-uwit te bendira zan iyan is grupu he ebpenguluwan te tribu ni Reuben. Is pengulu zan iyan si Elizur he anak ni Shedeur.

Numero 10:22

Ne is midtinundug kandan he ed-uwit te bendira zan iyan is grupu he ebpenguluwan te tribu ni Efraim. Is pengulu zan iyan si Elishama he anak ni Amihud.

Numero 10:25

Is kinehuziyanan he midhipanew he ed-uwit te bendira zan iyan is grupu he ebpenguluwan te tribu ni Dan. Iyan sikandan nehimu he vantey ziyà te egkeiniyuǥan he para te langun he grupu. Is pengulu zan iyan si Ahiezer he anak ni Amishadai.

Numero 2:1

Migkeǥiyan te Nengazen si Moises wey si Aaron te,

Numero 2:10

“Is tribu ni Reuben, ni Simeon, wey ni Gad, ne ziyà megkampu te zapit te zivavà, diyà te zizalem te bendira te kada tribu zan. Iyan heini menge ngazan te menge pengulu zan wey kahabet te menge sakup dan: Tribu; Pengulu; Kahabet Reuben; Elizur he anak ni Shedeur; 46,500 Simeon; Shelumiel he anak ni Zurishadai; 59,300 Gad; Eliasaf he anak ni Deuel; 45,650

Numero 2:3

Is tribu ni Juda, Isacar, wey ni Zebulun diyà megkampu te zapit te edsilaan, diyà te dizalem te bendira te kada tribu zan. Iyan heini ngazan te menge pengulu zan wey kahabet te menge sakup dan: Tribu; Pengulu; Kahabet Juda; Nashon he anak ni Aminadab; 74,600 Isacar; Netanel he anak ni Zuar; 54,400 Zebulun; Eliab he anak ni Helon; 57,400

Numero 24:2

ne zutun neehè din is menge Israilihanen he mibpesibsivayà megkampu is kada tribu. Ne mibpurungan sikandin ulini te Mulin-ulin te Megbevayà,

Josue 3:4

su wey niw metueni ke hendei kew ebayà, su wazè kew pa keenu mekevayà kayi. Piru kenè kew utew uvey zuen te Kavan te Kebpekid-uyun. Pekeziyui niw heini te keziyù he menge 1,000 he mitrus.”