Numero 19:7 - Manobo Western Bukidnon OT

⁷ Ne kegkepasad dutun kinahanglan he ebpìpian ni Eleazar he memumuhat is bisti zin, ne mebpemeziǥù sikandin. Ne kegkepasad egkehimu en sikandin he edseled diyà te kampu, piru ed-isipen pa ǥihapun sikandin he meremerik taman te egkesakep.

Numero 19:7 ပူးပေါင်းရင်းမြစ်များ

Leviticus 11:24

Kenè kew ǥawed te minatey he menge langgam he wazà metevì is sulu zan wey kenà ed-uman edsepà te kinaan dan. Kenè kew zaan gawed te minatey he menge langgam he heepat is menge paa zan he igkahis dan is menge sulu zan. Isipa niw he meremerik heini he menge langgam. Is minsan hentei he ebpekesamsam te minatey kandan, kinahanglan he ebpìpian din is bisti zin, ne ed-isipen pa sikandin he meremerik taman te mezukilem.

Leviticus 11:32

Is minsan hengkey he egkeuluǥan te ebpatey kandan egkehimu he meremerik, kayu man heini he mibeelan he azen, manggad, panit, etawa saku. Ne minsan hengkey is egemitan kayi kinahanglan he edlùluan te wahig, piru ed-isipen pa heini he meremerik taman te mezukilem.

Leviticus 11:39

Emun ebpatey is langgam he egkehimu he egkeenen, is minsan hentei he ebpekesamsam kayi ed-isipen he meremerik taman te mezukilem.

Leviticus 11:40

Is minsan hentei he egkuwa etawa egkaan te lawa kayi, kinahanglan he ebpìpian din is bisti zin, piru ed-isipen pa sikandin he meremerik taman te egkesakep.

Leviticus 14:46

Is minsan hentei he midseled dutun he valey hein midlekevan pa ne ed-isipen he meremerik taman te kebmerusirem.

Leviticus 15:5

Ne is minsan hentei he ebpekesamsam kandin etawa ebpekesamsam te midhizeǥaan din etawa mibpinuuwan din, kinahanglan he ebpìpian din is bisti zin wey mebpemeziǥù, piru ed-isipen pa ǥihapun sikandin he meremerik taman te egkesakep.

Numero 19:10

Is etew he egkuwa te igmuk duen te vaka, kinahanglan daan he ebpìpian din is bisti zin, ne ed-isipen daan sikandin he meremerik taman te egkesakep. Heini he sulunuzen kinahanglan he edtumanen niw te menge Israilihanen wey te kenà menge Israilihanen he zuma niw he meǥinged taman te taman.”

Numero 19:19

Dutun te iketelu wey ikepitu he andew, ebpirikan te etew he ed-isipen he lumpiyu is etew he mid-isip he meremerik. Ne emun ikepitu he andew, haazà is etew he midlumpiyuwan kinahanglan he ebpemìpì te visti zin wey ebpemeziǥù, ne zutun te kegkesakep ed-isipen en sikandin he lumpiyu.

Numero 19:21

Heini he sulunuzen kinahanglan he edtumanen taman te taman. “Is etew he ebpirik te wahig he gelemiten te kedlumpiyu kinahanglan daan he ebpemìpì te visti zin, wey is minsan hentei he nekesamsam duen te wahig he gelemiten te kebpenlumpiyu ed-isipen he meremerik taman te egkesakep.

Numero 19:22

Is minsan hentei etawa minsan hengkey he egkesamsam te etew he meremerik, ne ebmeremerik daan taman te egkesakep.”

Numero 19:8

Is etew he mibinsul zuen te vaka, kinahanglan he ebpìpian din daan is bisti zin wey ebpemeziǥù ne ed-isipen daan sikandin he meremerik taman te mezukilem.