Numero 19:3 - Manobo Western Bukidnon OT

³ Iveǥey niw haazà diyà te ki Eleazar he memumuhat, ne ed-uwiten heini ziyà te gawas te kampu ne edlepaan diyà te etuvangan din.

Numero 19:3 ပူးပေါင်းရင်းမြစ်များ

Leviticus 16:27

Kinahanglan he ed-uwiten diyà te ǥawas te kampu wey edtutungen is nesamà duen te vaka wey kambing he migkuwaan te lengesa he mid-uwit diyà te Utew Segradu he Lugar he inlumpiyu kayi.

Leviticus 24:14

“Uwita niw ziyà te ǥawas te kampu sikan is etew he midsumpalit kedì. Is langun he nekezineg te kedsumpalit din ne izampè dan is belad dan diyà te ulu zin he tuus te zuen din televaken, ne kegkepasad ne ebpenulengen sikandin te vatu te tivuuk he menge Israilihanen.

Leviticus 4:11

Piru is egkesamà he zuma te impemuhat he uyaǥen iring te lundis, sapù, ulu, menge paa, wey is diyà te seled te ǥetek ragkes en is bituka kayi, ne uwita zin heini ziyà te ǥawas te kampu ne tutunga zin diyà te egkeregreg he kayu, diyà te lugar he midtuuwan he lumpiyu, kes lugar he timbaǥà te avu.

Numero 15:36

Umbe, mid-uwit sikandin te menge etew pehendiyà te ǥawas te kampu ne mibpenuleng dan te vatu taman te minatey, sumalà te insuǥù te Nengazen ki Moises.

Numero 19:9

“Is etew he ed-isipen he lumpiyu iyan megkuwa te igmuk duen te vaka, ne isavuk din haazà diyà te lugar he ed-isipen he lumpiyu, he ziyà te gawas te kampu. Ne edtipiǥan heini zutun su egemiten te menge Israilihanen he idsahug te wahig he egemiten te kebpenlumpiyu. Ebeelan heini he tulumanen su para maawà is salà.

Numero 3:4

Piru si Nadab wey si Abihu, minatey ziyà te etuvangan te Nengazen hein migamit dan te hapuy he kenà iyan sikan is hapuy he para te kebpemuhata te Nengazen hein diyè dan te sibsivayan he Sinai. Minatey sikandan he wazè dan menge anak, umbe iyan dà si Eleazar wey si Itamar nenilbi pinaaǥi te kegkememumuhat dutun te kaazen pa te amey zan he si Aaron.

Numero 5:2

“Mendui nu is menge Israilihanen he ibpeǥawas diyà te kampu is minsan hentei he zuen melimezang he zaru te lundis din, etawa zuen egawas diyà te sudiyè din tenged te zaru, etawa nehimu he meremerik su nekeǥawed te minatey.