Numero 18:9 - Manobo Western Bukidnon OT

⁹ Duen niw vahin duen te segradu he menge pemuhat he kenà edtutungen, he ibpemuhat te menge etew kayi te kedì he segradu he menge pemuhat. Ragkes en kayi is menge pemuhat he para gasa, pemuhat he para idlumpiyu, wey pemuhat he vayad te salà. Iyan heini vahin niw te menge anak nu.

Numero 18:9 ပူးပေါင်းရင်းမြစ်များ

2 Hadì 12:17

Dutun he timpu, si Hadì Hazael he hadì te Aram midsurung diyà te Gat ne naaǥew zin heini. Ne midisisyun sikandin he edsurungen din daan is Jerusalem.

Nehemias 10:36

Ne ed-uwiten dey zaan diyà te menge memumuhat he ebpenilbi ziyà te valey te Megbevayè dey is maama he kinekekayan he anak dey, ragkes is kinekekayan te menge vaka zey, menge kerehidu zey, wey menge kambing dey, sumalà te ingkesurat diyà te Kesuǥuan.

Ezekiel 42:13

Migkaǥi sikan is etew kayi te kedì te, “Heini he menge ruǥu is dapit te zivavà wey zizaya he ebpekesinaru te lama kayi te valey te Nengazen, ne segradu heini he menge ruǥu. Su is menge memumuhat he ebpemuhat diyà te Nengazen ne kayi zan egkeena is utew segradu he menge pemuhat. Egemiten dan daan heini he menge ruǥu he para selevukà te menge pemuhat he para gasa, menge pemuhat he para idlumpiyu, wey menge pemuhat he vayad te salà. Su segradu heini he menge ruǥu.

Ezekiel 44:29

Is keenen dan ne ziyà ebpuun te menge pemuhat he para gasa, menge pemuhat he para idlumpiyu, wey menge pemuhat he vayad te salà. Ne is menge azen he mibpeveyveyaan en kedì ne egkehimu zaan he kandan.

Leviticus 10:17

Ke sikandin te, “Maan is wazè niw keena ziyà te segradu he lugar sikan is pemuhat he para idlumpiyu? Heini he pemuhat utew segradu, ne imbeǥey heini te Nengazen keniyu su wey mevelukasi is menge etew puun te menge salè dan diyà te etuvangan te Nengazen.

Leviticus 14:13

Edlepaan din haazà is kerehidu ziyà te segradu he lugar, ziyà te lepeey te pemuhat he para idlumpiyu wey te pemuhat he edtutungen. Heini is pemuhat he kerehidu, utew segradu, ne para zà heini te menge memumuhat, he iring te pemuhat he idlumpiyu.

Leviticus 2:10

Ne is samà dutun te pemuhat, ne ǥaked en ni Aaron wey te menge kevuwazan din, ne utew heini segradu su zuma heini zuen te pemuhat pinaaǥi te hapuy he impemuhat diyà te Nengazen.

Leviticus 22:11

Piru egkehimu ke egkaan kayi is uripen he mibpemasa niw etawa in-anak diyà te keniyu.

Leviticus 4:22

Emun ebpekerapas te suǥù te Nengazen he Megbevayè din is sevaha he egalen, piru wazè din heini tivevaa, nekesalà gihapun sikandin.

Leviticus 4:27

Emun is sevaha keniyu nekerapas te suǥù te Nengazen he wazè din tivevaa, nekesalà gihapun sikandin.

Leviticus 5:1

Emun is sevaha he etew kenà egkaǥi ziyà te hukmanan mehitenged te neehè din etawa netuenan din, ne zuen din televaken.

Leviticus 5:6

Ne veyazi zin haazà is salà he neveelan din pinaaǥi te kebpemuhat din diyà te Nengazen te sevaha he vehiyan he kerehidu etawa kambing he pemuhat he para idlumpiyu. Iyan is memumuhat ebpemuhat kayi para mevelukasi sikandin te salè din.

Leviticus 6:19

Iyan heini migkaǥi te Nengazen diyà te ki Moises

Leviticus 6:30

Piru emun ed-uwiten is lengesa kayi he pemuhat diyà te Segradu he Lugar zuen te seled te Tulda, su wey mepesaylu is salà te sevaha he etew, ne kenà egkeenen heini he pemuhat, kekenà, edtutungen.

Leviticus 7:1

Iyan heini menge sulunuzen mehitenged te pemuhat he vayad te salà. Segradu utew heini he pemuhat.

Leviticus 7:6

Ebpekekaan te egkesamà kayi he pemuhat is langun he maama ziyà te pemilya te menge memumuhat, piru kinahanglan he ziyè dan heini egkeena te segradu he lugar, su utew heini segradu.

Leviticus 7:7

Ebpeked-iring dà is sulunuzen mehitenged te pemuhat he para idlumpiyu wey te pemuhat he vayad te salà: is usa kayi he menge pemuhat gaked en te memumuhat he nemuhat kayi.

Numero 18:10

Keena niw heini ziyà te utew mahal he lugar. Iyan dà is menge maama ebpekekaan kayi ne isipa niw heini he segradu.

Deuteronomio 18:1

“Is menge memumuhat he kevuwazan ni Levi wey is duma pa he sakup te tribu ni Levi, iyan sikandan tribu te Israel he wazà tanà he egkepengevilin dan. Iyan dà egkekaan dan is puun duen te menge pemuhat pinaaǥi te hapuy he ibpemuhat diyà te Nengazen, su iyan heini kandan he egkepengevilin.