Numero 18:2 - Manobo Western Bukidnon OT

² Emun ebpenilbi ka wey is menge anak nu ziyà te Tulda he midsevukan te Kesuǥuan, ipeuǥup niw is menge kezuzumahi niw he ebpuun diyà te tribu ni Levi.

Numero 18:2 ပူးပေါင်းရင်းမြစ်များ

Genesis 29:34

Ne mibmeǥingey en maan si Lea, ne mid-anak sikandin te sevaha pa maan he maama. Migkaǥi sikandin te, “Human ad buwa ebmahala te esawa ku su tetelu en is anak dey he maama.” Umbe migngezanan din haazà is batà ki Levi.

2 Cronica 30:16

Ne mibpelastar zan diyà te lugar he para kandan dutun te valey te Nengazen, sumalà is sulunuzen he ingkesurat diyà te Kesuǥuan ni Moises he suluǥuen te Megbevayà. Ne impirik te menge memumuhat diyà te pemuhatà is lengesa he mid-uwit te menge Levihanen diyà te kandan.

Ezekiel 44:11

Egkehimu he ebpenilbi sikandan diyà te valey ku pinaaǥi te kebantey te ǥemawan wey kedlapà te menge pemuhat he edtutungen wey zuma pa he menge ibpemuhat te menge etew. Wey egkehimu ke ebpenilbi sikandan te menge etew ziyà te valey ku.

Ezekiel 44:15

“Piru is menge memumuhat he ebpuun diyà te tribu ni Levi he menge kevuwazan ni Zadok he metinumanen he nenilbi kedì diyà te valey ku hein mid-awà kayi te kedì is menge Israilihanen, nenilbi zan mulà kedì. Iyan sikandan egkehimu he ebpemuhat kedì te tavà wey lengesa te uyaǥen. Iyan a, is Nengazen he MEGBEVAYÀ, is migkaǥi kayi.

Malakias 2:4

Ne egketuenan niw he impaaǥi ku ziyà te keniyu heini he kebmansu su para mekepedayun is kebpekid-uyun ku ki Levi.

Numero 1:53

Piru is menge kevuwazan ni Levi, kinahanglan he ziyà megkampu te ebpekeliǥuy zuen te Tulda he midteǥuan te Kesuǥuan, su wey ku kenà mepeuki is menge etew te Israel. Ketengdanan te menge kevuwazan ni Levi is ked-atur zuen te Tulda.”

Numero 17:7

Insavuk ni Moises haazà is langun he tuked diyà te etuvangan te Nengazen diyà te Tulda he midsevukan te Kesuǥuan.

Numero 18:4

Edtavang sikandan kenikew, ne kandan he ketengdanan is ked-atur zuen te Tulda he Edtelevukaayan wey is kebaal te langun he vuluhaten kayi. Piru kinahanglan he wazà minsan hentei he ed-uǥup keniyu he kenà kevuwazan ni Levi.

Numero 3:5

Migkaǥi is Nengazen diyà te ki Moises te,

Numero 4:15

“Emun egkepasad en ni Aaron wey te menge anak din te edtambun sikan is Tulda he Edtelevukaayan wey is langun he menge gelemiten kayi, ne edtivalen heini te menge kevuwazan ni Kohat dutun te timpu te ked-awè niw puun te kampu niw. Piru kinahanglan he kenè dan semsama heini is segradu he menge vutang su wey zan kenà mebpatey. “Iyan haazà sikan is menge gelemiten duen te Tulda he Edtelevukaayan he ed-uwiten te menge kevuwazan ni Kohat.

Numero 8:19

Diyà te langun he menge Israilihanen, iyan is menge kevuwazan ni Levi mibpilì ku he ebpekeuǥup ki Aaron wey te menge anak din. Ebpenilbi sikandan diyà te Tulda he Edtelevukaayan para te menge Israilihanen, ne iyan sikandan ebaal te menge tulumanen he para mevelukasi is salà te menge Israilihanen, su para wazà kezeetan he egkehitavù kandan emun ed-uvey zan duen te Tulda he Edtelevukaayan.”

Numero 8:22

Ne kegkepasad dutun, nenilbi en is menge kevuwazan ni Levi ziyà te Tulda he Edtelevukaayan he zizalem te kedumala ni Aaron wey te menge anak din. Mibeelan dan diyà te menge kevuwazan ni Levi is insuǥù te Nengazen ki Moises.