Numero 18:1 - Manobo Western Bukidnon OT

¹ Migkeǥiyan te Nengazen si Aaron te, “Sikew wey is menge anak nu he maama wey is menge kezuzumahi nu he ebpuun diyà te tribu ni Levi, keniyu he televaken is salà he egkeveelan niw zutun te kebpenilbi niw ziyà te Tulda he Edtelevukaayan. Piru iyan ke zà wey is menge anak nu is ebpekepenavak te salà he egkeveelan niw zutun te kegkememumuhat niw.

Numero 18:1 ပူးပေါင်းရင်းမြစ်များ

Isaias 53:11

Emun egkeehè din is beǥas te menge ked-antus din, ne egkelipey sikandin. Migkaǥi is Nengazen te, “Pinaaǥi te ketau te metazeng he suluǥuen ku mahabet is ebmetzengen din; ed-antus sikandin para te menge salè dan.

Isaias 53:6

Iring kiw is langun te nengetazin he menge kerehidu; is kada sevaha kenitew ne iyan en mibeelan din is egkesuatan din. Piru iyan sikandin impaantus te Nengazen te silut he para pezem kenitew te langun.

Ezekiel 4:4

“Kegkepasad nu kayi, hizeǥè ka he edtengkilid dapit te givang nu. Simbulu heini he edtiangen nu is salà te menge etew te Israel. Tianga nu is salè dan seled te kahabet te menge andew te kedhizeǥè nu.

Leviticus 10:17

Ke sikandin te, “Maan is wazè niw keena ziyà te segradu he lugar sikan is pemuhat he para idlumpiyu? Heini he pemuhat utew segradu, ne imbeǥey heini te Nengazen keniyu su wey mevelukasi is menge etew puun te menge salè dan diyà te etuvangan te Nengazen.

Leviticus 22:16

su wey kew kenà mekesalà dutun te kegkeena niw kayi ne wazè niw televaken. Iyan a is Nengazen midsivey keniyu su wey kew mehimu he kedì.

Leviticus 22:9

Sikiyu is menge memumuhat, tumana niw is ibpetuman ku keniyu. Kinahanglan he edtumanen niw heini su wey kew kenà mekepenavak wey mebpatey. Iyan a is Nengazen midsivey keniyu para kedì.

Numero 14:34

Ne geina te 40 he andew is kebpeniizi te menge meniniid duen te tanà, ne ebpekaantus kew zaan te 40 he tuig tenged te menge salè niw, wey niw metueni ke hengkey is ebeelan ku ke egkepeukan ku is ebpekigkuntada kedì.

Numero 16:10

Mibpilì kew zin he ebpenilbi kandin, ne ǥuntaan egkesuat kew pa he egkehimu he memumuhat?

Numero 17:13

Su ebpatey man is minsan ed-uvey zà diyà te Tulda te Nengazen. Ne ebpatey key ves is langun pinaaǥi kayi!”

Numero 17:3

Diyà te tuked te tribu ni Levi, ne idsurat dutun is ngazan ni Aaron su kinahanglan he zuen sevaha he tuked te kada pengulu te tribu.

Numero 17:7

Insavuk ni Moises haazà is langun he tuked diyà te etuvangan te Nengazen diyà te Tulda he midsevukan te Kesuǥuan.

Numero 18:11

Is duma he pemuhat te menge Israilihanen he ibayew ziyà te pemuhatà, ne para zaan keniyu. Imbeǥey ku heini kenikew wey te menge kevuwazan nu he keniyu he vahin taman te taman. Ebpekekaan kayi is minsan hentei ziyà te pemilya nu he ed-isipen he lumpiyu.

Numero 3:6

“Ipetawag nu is tribu ni Levi ne zumaha nu ziyà te ki Aaron he memumuhat su wey zan mekeuǥup kandin.

Deuteronomio 10:8

Dutun he timpu mibpilì te Nengazen is tribu ni Levi he iyan ibpeuwit duen te Kavan te Kebpekid-uyun te Nengazen kandan, wey ebaal te vuluhaten diyà te etuvangan din, wey ebpenuvadtuvad te menge etew pinaaǥi te ngazan din. Ne taman en guntaan ne iyan heini buluhaten dan.

Zatù 17:12

Midhimu sikandin ni Micas he memumuhat, ne ziyè din ipeubpà te valey zin.