Numero 17:7 - Manobo Western Bukidnon OT

⁷ Insavuk ni Moises haazà is langun he tuked diyà te etuvangan te Nengazen diyà te Tulda he midsevukan te Kesuǥuan.

Numero 17:7 ပူးပေါင်းရင်းမြစ်များ

Exodus 38:21

Iyan heini menge himan he neǥamit te kebpehitindeǥa zuen te Tulda he Ed-ezapan he zutun itaǥù sikan is Kesuǥuan. Heini is menge himan, inlista te menge kevuwazan ni Levi sumalà te suǥù ni Moises. Heini he vuluhaten, iyan midumala zuen si Itamar he anak ni Aaron he memumuhat.

Numero 1:50

Kekenà, iveǥey kandan he ketengdanan is kedumala zuen te Tulda he Ed-ezapan he zutun itaǥù sikan is Kesuǥuan, wey is langun he ǥelemiten kayi. Iyan sikandan ed-uwit dutun te Tulda wey te langun he ǥelemiten kayi. Kinahanglan he ed-etimanen dan heini, ne kinahanglan he ziyè dan megkampu te ebpekeliǥuy kayi.

Numero 1:53

Piru is menge kevuwazan ni Levi, kinahanglan he ziyà megkampu te ebpekeliǥuy zuen te Tulda he midteǥuan te Kesuǥuan, su wey ku kenà mepeuki is menge etew te Israel. Ketengdanan te menge kevuwazan ni Levi is ked-atur zuen te Tulda.”

Numero 14:10

Ne zutun, ebpenulengen en pezem sikandan te vatu te menge zuma zan he Israilihanen, piru midtik-ew mebpaahà diyà te zivavew zuen te Tulda he Edtelevukaayan is mekeǥeǥehem he kebpekiduma te Nengazen.

Numero 17:4

Ne ziyà heini idsavuk is langun te Tulda he Edtelevukaayan, diyà te egkesineruwan duen te Kavan te Kebpekid-uyun he zutun a ebpekidhinguma keniyu ki Aaron.

Numero 17:6

Umbe, migkeǥiyan ni Moises is menge Israilihanen, ne is kada pengulu mibeǥey kandin te tuked. 12 langun he tuked, ne in-amut dutun is ki Aaron.

Numero 18:2

Emun ebpenilbi ka wey is menge anak nu ziyà te Tulda he midsevukan te Kesuǥuan, ipeuǥup niw is menge kezuzumahi niw he ebpuun diyà te tribu ni Levi.

Numero 9:15

Hein andew te kebenguna zuen te Tulda he Ed-ezapan he zutun itaǥù sikan is Kesuǥuan, neliǥuy heini te ǥapun. Puun te mezukilem taman te meselem, heini he ǥapun henduen be te hapuy he ed-anlag.