Numero 17:13 - Manobo Western Bukidnon OT

¹³ Su ebpatey man is minsan ed-uvey zà diyà te Tulda te Nengazen. Ne ebpatey key ves is langun pinaaǥi kayi!”

Numero 17:13 ပူးပေါင်းရင်းမြစ်များ

Genesis 3:3

iyan, haazà is beǥas te kayu he ziyà te teliwazà te pemuleey. Indawey kenami te Megbevayà su ke sikandin te, ‘Kenè niw heeyan keena etawa minsan is kedsenggira zà duen. Su emun egkeenen niw heini ne ebpatey kew.’ ”

2 Samuel 24:25

Ne mibaal sikandin dutun te pemuhatà he para te Nengazen ne nemuhat sikandin te menge pemuhat he edtutungen wey menge pemuhat he para te meupiya he kedepità. Midtavak te Nengazen is menge hangyù ni David para te Israel, ne neengked is limas.

1 Cronica 15:13

Tenged te kenè kew iyan kes mid-uwit dutun te Kavan te Kebpekid-uyun te nehuna he timpu, midsilutan kiw te Nengazen he Megbevayè tew tenged te kegkepauk din. Wazè kiw mebpenginginsà te Nengazen ke ebmenmenuwen tew heini te ed-uwit te hustu he paaǥi.”

Salmo 90:7

Igkeherati zey is pauk nu; igkezeeti zey is rerangit nu.

Isaias 28:22

Umbe, kenè kew en medwalìwalì, su kela ke ibpeiseg din pa is idsilut din keniyu. Su nezineg ku he impesavut te Nengazen he MEGBEVAYÀ he Mekeǥeǥehem he edezeetan din is tivuuk he tanà.

Numero 16:26

Ne migkeǥiyan din is menge etew te, “Pekeziyù kew ziyà te menge tulda keniyan te lalung he menge etew! Kenè kew ǥawed te minsan hengkey he ǥaked dan, su emun ebeelan niw heini ne edèdeetan kew tenged te langun he menge salè dan.”

Numero 18:1

Migkeǥiyan te Nengazen si Aaron te, “Sikew wey is menge anak nu he maama wey is menge kezuzumahi nu he ebpuun diyà te tribu ni Levi, keniyu he televaken is salà he egkeveelan niw zutun te kebpenilbi niw ziyà te Tulda he Edtelevukaayan. Piru iyan ke zà wey is menge anak nu is ebpekepenavak te salà he egkeveelan niw zutun te kegkememumuhat niw.

Numero 25:8

Ne midtundug din haazà is etew pehendiyà te kedseled din te tulda zin ne impedlembasè din te edtiyuk duen te vangkew zin haazà is maama wey vahi. Ne neengked is limas diyà te menge Israilihanen,

Numero 32:13

Utew nepeuki te Nengazen is menge Israilihanen. Umbe, midtazintazin din sikandan diyà te sibsivayan seled te 40 he tuig, taman te nemematey haazà is tivuuk he lapis te kevuwazan he mibaal te mezaat diyà te etuvangan din.

Deuteronomio 2:16

“Ne hein nemematey en haazà is langun he menge sundaru zutun he lapis te kevuwazan,