Numero 17:10 - Manobo Western Bukidnon OT

¹⁰ Ne migkaǥi is Nengazen diyà te ki Moises te, “Ilikù nu heeyan is tuked ni Aaron diyà te etuvangan duen te Kavan te Kebpekid-uyun ku su para mehimu heini he petizaan diyà te menge mesinupaken he ebpematey sikandan emun kenè dan ed-engked he edriklamu kayi te kedì.”

Numero 17:10 ပူးပေါင်းရင်းမြစ်များ

Salmo 57:4

Edliǥuyan a te menge kuntada ku he iring te menge erimaung he andam he edawi te etew. Is menge ngipen dan iyan is menge vangkew wey menge vesut te panà. Is menge zilè dan iyan is meǥarang he menge ispada.

Exodus 16:32

Migkaǥi si Moises te, “Iyan heini suǥù te Nengazen: Taǥù kew te senge-ǥantang he ‘manna’, para te peleebuten he egkelapislapis he menge kevuwazan, para meehè dan is keenen he imbeǥey ku keniyu ziyà te sibsivayan hein impeǥawas ku sikiyu puun diyà te Ehipto.”

Exodus 16:34

Ne midtuman ni Aaron haazà is insuǥù te Nengazen ki Moises. Midtaǥù si Aaron te ‘manna’ ziyà te Kavan te Kebpekid-uyun su para egketipiǥan heini.

Isaias 1:2

Pemineg ka is langit wey is tanà, su migkaǥi is Nengazen te, “Mid-elimahan ku wey impezekelè ku is menge Israelinhon he menge anak ku, piru midsukul sikandan kediey.

Hoseas 10:9

Migkaǥi is Nengazen te, “Sikiyu is menge etew te Israel mibpedayun kew mebaal te salà puun pa zutun te timpu te kebaal te salà te menge kepuun niw ziyà te Gibea. Wazè kew iyan meveǥu. Umbe sikiyu is menge kevuwazan te menge lalung ne edsurungen te Gibea?

Numero 14:5

Ne si Moises wey si Aaron midluhud diyà te etuvangan te tivuuk he keet-etawan te Israel he netiǥum dutun.

Numero 16:21

“Pekeziyù kew kayi te menge etew su ebpenhimetayan ku sikandan guntaan.”

Numero 16:38

zuen te menge teleǥuey he ebpuun duen te menge etew he nemematey tenged te menge salè dan. Ne ipelumpipì nu kandin sikan is menge teleǥuey ne ipekaple din haazà duen te pemuhatà su inhalad heini kayi te kediey ne nehimu heini he segradu. Ne heini he pekaplà duen te pemuhatà ne egkehimu he petizaan te menge Israilihanen.”

Numero 17:11

Midtuman ni Moises is insuǥù kandin te Nengazen.

Numero 17:4

Ne ziyà heini idsavuk is langun te Tulda he Edtelevukaayan, diyà te egkesineruwan duen te Kavan te Kebpekid-uyun he zutun a ebpekidhinguma keniyu ki Aaron.

Numero 17:9

Ne inggawas ni Moises is langun he tuked ne impeehè din te langun he menge Israilihanen. Mid-ehè dan heini, ne migkuwa te kada pengulu te tribu is kandin he tuked.

Numero 20:9

Umbe, migkuwa ni Moises sikan is tuked puun te etuvangan te Nengazen, diyà te Kavan te Kebpekid-uyun kandan he ziyà te seled te tulda sumalà te insuǥù te Nengazen kandin.

Numero 4:18

“Kenè niw pesegdana he mepuew is kevuwazan ni Kohat puun te menge Levihanen.

Deuteronomio 9:24

Puun te kegkekilelaa ku keniyu ne pudu en kebpekidsukulà te Nengazen is menge vaal niw.

Deuteronomio 9:7

“Tentenuzi niw ke hengkey is menge ulaula niw he ingkepauk te Nengazen he Megbevayè niw. Hein diyè kew te sibsivayan. Puun te andew te kegawas niw ziyà te Ehipto ne taman en guntaan is kedtulung niw kebpekidsukulà te Nengazen.

1 Samuel 2:12

Is dezuwa he menge anak ni Eli menge tulebung he menge etew. Wazè dan medtuman te suǥù kandan te Nengazen.

1 Samuel 30:22

Ne zuen dutun menge sakup ni David he egkengelalunglalung, ke sikandan te, “Kenè tew ebehinan sikandan te nengaaǥew tew ziyà te menge Amalikanhen su wazè dan meduma kenitew. Ilikù niw zà kandan is menge esawa zan wey menge anak dan, ne ibpeǥenat en sikandan.”