Numero 16:1 - Manobo Western Bukidnon OT

^1-2 Dutun he timpu, nekidsukulà ki Moises si Kora he anak ni Izhar, te anak ni Kohat te anak ni Levi. Duma zin te nekidsukulà si Datan wey si Abiram he menge anak ni Eliab, wey si On he anak ni Pelet he pudu kevuwazan ni Reuben. Duen pa zuma zan he 250 he menge Israilihanen he menge maama he nekilala wey mibpilì he menge pengulu te Israel puun te menge Israilihanen.

Numero 16:1 ပူးပေါင်းရင်းမြစ်များ

Salmo 106:16

Diyà te kampu zan diyà te sibsivayan nesina sikandan ki Moises wey ki Aaron. Si Aaron mibpili he ebpenilbi te Nengazen.

Exodus 6:16

Sumalà is insurat he keguǥuza iyan heini menge ngazan te menge maama he menge anak ni Levi: si Gershon, si Kohat, wey si Merari. Is keluǥayad te untung ni Levi 137 he tuig.

Exodus 6:18

Is menge anak he maama ni Kohat iyan si Amram, si Izhar, si Hebron, wey si Uziel. Is keluǥayad te untung ni Kohat 133 he tuig.

Exodus 6:21

Is maama he menge anak ni Izhar iyan si Kora, si Nefeg, wey si Zicri.

Numero 15:41

Iyan a is Nengazen he Megbevayè niw mibpeǥawas keniyu ziyà te Ehipto su wey a mehimu he Megbevayè niw. Uya, iyan a Nengazen he Megbevayè niw.”

Numero 27:3

“Minatey is amey zey diyà te sibsivayan he wazè din anak he maama. Piru minatey sikandin kenà tenged te midsunud sikandin ki Kora te nekidsukulà te Nengazen, kekena, tenged te keugelingen din he salà.

Deuteronomio 11:6

Wey ke hengkey is mibeelan din diyà te ki Datan wey ki Abiram, te menge anak ni Eliab te kevuwazan ni Reuben. Mid-eveleng sikandan te mibeka he tanà ragkes is menge pemilya zan, tulda zan, wey langun he zuma zan. Ne neulaula heini ziyà te etuvangan te langun he menge Israilihanen.