Numero 15:9 - Manobo Western Bukidnon OT

⁹ kinahanglan he mebpemuhat daan sikandin te pemuhat he para gasa he heenem he kilu he meupiya he kelasi te herina he edsehuǥan te zezuwa he litru he lana.

Numero 15:9 ပူးပေါင်းရင်းမြစ်များ

1 Cronica 21:23

Migkaǥi si Arauna ziyà te ki David te, “Uya, kuwaa nud, Mahal he Hadì. Beeli nu ke hengkey is meupiya para kenikew. Ebeǥayan ku pa sikew te vaka para te ibpemuhat nu he pemuhat he edtutungen, menge kangga he egemiten te eǥunas he para idtavun, wey trigu he pemuhat he para gasa. Uya, ibeǥey ku heini langun kenikew he wazà bayad.”

Nehemias 10:33

Ne iyan egkepeveyaan kayi is para te supas he ibpemuhat diyà te etuvangan te Megbevayà, menge pemuhat he edtutungen wey menge pemuhat he para gasa he andew-andew is kebpemuhata zuen, menge pemuhat he para te menge Andew te Kedhimeley, para te Pista te Kebpuun te Hayag, wey zuma pa he menge pista, wey para te zuma pa he menge pemuhat he segradu iring te pemuhat he para idlumpiyu, he velukas te menge Israilihanen tenged te menge salè dan. Egemiten daan haazà he selapì para te zuma pa he menge kinehenglanen diyà te valey te Nengazen he Megbevayè dey.

Ezekiel 42:13

Migkaǥi sikan is etew kayi te kedì te, “Heini he menge ruǥu is dapit te zivavà wey zizaya he ebpekesinaru te lama kayi te valey te Nengazen, ne segradu heini he menge ruǥu. Su is menge memumuhat he ebpemuhat diyà te Nengazen ne kayi zan egkeena is utew segradu he menge pemuhat. Egemiten dan daan heini he menge ruǥu he para selevukà te menge pemuhat he para gasa, menge pemuhat he para idlumpiyu, wey menge pemuhat he vayad te salà. Su segradu heini he menge ruǥu.

Ezekiel 46:11

“Dutun te timpu te nekedseselekawà he menge pista, is pemuhat he para gasa he idlapik te turiti he vaka wey te meǥurang he kerehidu, tig liwazà te saku he herina piru sumalè en is egkesuatan duen te ebpemuhat ke sengemenu kezekelà is idlapik din he herina ziyà te kada nati he kerehidu. Is kada liwazà te saku he herina he idlapik din te pemuhat he uyaǥen, lepiki zin te sengegelun he lana te ulibu.

Ezekiel 46:15

Umbe kada meselem, kinahanglan he zuen ibpemuhat kayi te kedì he kerehidu, herina, wey lana te ulibu he andew-andew he pemuhat he edtutungen.”

Ezekiel 46:5

Is pemuhat he para gasa he idlapik duen te meǥurang en he kerehidu, ne liwazà te saku he herina, piru sumalè en is egkeusatan duen te pengulu he kezekelà te herina he idlapik din duen te kada nati he kerehidu. Is kada liwazà te saku he herina he idlapik din duen te menge pemuhat he kerehidu, mebpemuhat daan sikandin te sengegelun he lana te ulibu.

Ezekiel 46:7

Is pemuhat he para gasa he idlapik duen te pengulu ziyà te turiti he vaka wey ziyà te meemahan he kerehidu he meǥurang en ne tig liwazà te saku he herina, piru sumalè en is egkesuatan din he kezekelà te herina he idlapik din diyà te kada nati he kerehidu. Te kada tengà te saku he herina he idlapik din te menge pemuhat he uyaǥen, mebpemuhat daan sikandan te sengegelun he lana ha ulibu.

Joel 1:9

Su wazè en trigu wey vinu he igkepemuhat diyà te valey te Nengazen; umbe edlalew is menge memumuhat he ebpenilbi te Nengazen.

Joel 2:14

Ne kela ke mahalin is isip te Nengazen he Megbevayè niw ne edtuvazan din is menge sebpet niw, su wey kew mekepemuhat en diyà te kandin te menge trigu wey vinu.

Leviticus 14:10

Dutun te ikewalu he andew, kinahanglan he med-uwit sikandin te zezuwa he meemahan he kerehidu wey sevaha he vehiyan he kerehidu he senge-tuig is keǥurang he wazè din sazir. Med-uwit daan sikandin te heenem he kilu he meupiya he kelasi he herina he midsehuǥan te lana he pemuhat he para gasa. Wey med-uwit pa sikandin te senge vasu he lana.

Leviticus 6:14

Iyan heini menge sulunuzen mehitenged te pemuhat he para gasa: Is menge memumuhat he menge kevuwazan ni Aaron iyan ed-uwit kayi he pemuhat diyà te etuvangan te Nengazen diyà te egkesineruwan duen te pemuhatà.

Leviticus 7:37

Iyan haazà menge sulunuzen mehitenged te pemuhat he edtutungen, pemuhat he para gasa, pemuhat he para idlumpiyu, pemuhat he vayad te salà, pemuhat he para te kedhimuwa te memumuhat he memumuhat, wey pemuhat he para te meupiya he kedepità.

Numero 15:10

Edlepikan pa heini te pemuhat he inumen he zezuwa he litru he vinu. Is kehemut kayi he pemuhat te pinaaǥi te hapuy ne ebpekepenunuat kedì.

Numero 15:8

“Is ebpemuhat te turiti he vaka he pemuhat he edtutungen etawa pemuhat para te kedtuman te penaad, etawa pemuhat he para te meupiya he kedepità,

Numero 28:12

Lepiki niw heini te pemuhat he para gasa he meupiya he kelasi te herina he midsehuǥan te lana–heenem he kilu is idlapik te kada sevaha he turiti he vaka, heepat he kilu is para te meǥurang en he kerehidu, ne zezuwa he kilu is para te kada nati he kerehidu. Menge pemuhat heini he edtutungen, is kehemut kayi ebpekepenunuat te Nengazen.

Numero 28:14

Is kada pemuhat he turiti he vaka edlepikan te pemuhat he inumen he zezuwa he litru he vinu. Ne sikan is meǥurang en he kerehidu edlepikan te senge litru wey tengà he vinu. Ne is kada sevaha he nati he kerehidu edlepikan te senge litru he vinu. Iyan heini binulan he pemuhat he edtutungen he ibpemuhat niw kada egkehuna he andew te vulan seled te tivuuk he tuig.

Numero 29:6

Ipemuhat niw heini he id-uman duen te vinulan wey kada andew he menge pemuhat he edtutungen he edlepikan te menge pemuhat he para gasa wey pemuhat he inumen. Menge pemuhat heini he pinaaǥi te hapuy, is kehemut kayi ebpekepenunuat te Nengazen.

1 Samuel 1:24

Hein nelutas en kes batà, mid-uwit ni Hana ziyà te valey te Nengazen diyà te Shilo. Mid-uwit daan sikandin te tudu he vaka he tetelu en he tuig, wey herina he tengà te saku, wey binu he ziyà itaǥù te lundis he teleǥuey.