Numero 15:8 - Manobo Western Bukidnon OT

⁸ “Is ebpemuhat te turiti he vaka he pemuhat he edtutungen etawa pemuhat para te kedtuman te penaad, etawa pemuhat he para te meupiya he kedepità,

Numero 15:8 ပူးပေါင်းရင်းမြစ်များ

Leviticus 1:3

Emun baka is ibpemuhat din he iyan pemuhat he edtutungen, kinahanglan he meemahan heini he wazè din sazir, ne ipemuhat din heini ziyà te ǥemawan te Tulda he Edtelevukaayan, su para zewata sikandin te Nengazen.

Leviticus 1:9

Kinahanglan he lùlui duen te nemuhat is menge vahin he ziyà te seled te ǥetek wey is menge paa zuen te vaka. Ne kegkepasad, iyan en is memumuhat edtutung kayi te langun diyà te pemuhatà, iyan heini pemuhat he edtutungen. Is kehemut kayi he pemuhat te pinaaǥi te hapuy ne ebpekepenunuat te Nengazen.

Leviticus 22:21

Emun is pemuhat he para te meupiya he kedepità ibpemuhat niw kediey he kedtuman te penaad etawa pemuhat he keugelingen he suat, kinahanglan he vaka heini etawa kerehidu etawa kambing he wazè sazir su edewaten ku heini.

Leviticus 3:1

Emun duen ebpemuhat te vaka he meemahan etawa vehiyan he pemuhat he para te meupiya he kedepità, kinahanglan he iyan din ibpemuhat diyà te etuvangan te Nengazen is wazè din sazir.

Leviticus 3:5

Ne edtutungen heini is langun kayi te menge memumuhat diyà te pemuhatà apil zuen te pemuhat he edtutungen. Is kehemut kayi he pemuhat te pinaaǥi te hapuy ne ebpekepenunuat te Nengazen.

Numero 15:24

Ne emun wazè niw tivevaa is kedrapas niw kayi, su wazè niw metueni he nekerapas kew, sikiyu wey is langun he keet-etawan mebpemuhat kew te sevaha he turiti he vaka he iyan pemuhat he edtutungen hein netuenan niw he nekesalè kew. Pemuhat heini he ebpekepenunuat kedì is kehemut din. Ilapik niw kayi is egkinehenglanen he pemuhat he para gasa wey pemuhat he inumen, wey sevaha he meemahan he kambing he pemuhat he para idlumpiyu.

Numero 15:7

Ne edlepikan daan heini te pemuhat he inumen he senge litru wey tengà he vinu. Is kehemut kayi he pemuhat ebpekepenunuat kedì.

Numero 15:9

kinahanglan he mebpemuhat daan sikandin te pemuhat he para gasa he heenem he kilu he meupiya he kelasi te herina he edsehuǥan te zezuwa he litru he lana.

Numero 8:8

Ne ipeuwit nu sikandan te turiti he vaka wey pemuhat he para gasa he meupiya he kelasi te herina he midsehuǥan te lana. Ipeuwit nu zaan sikandan te sevaha pa he turiti he vaka he pemuhat he para idlumpiyu.