Numero 15:4 - Manobo Western Bukidnon OT

^4-5 Is ebpemuhat te nati he kerehidu he pemuhat he edtutungen para kedì ne mebpemuhat daan te pemuhat he para gasa. Heini he pemuhat is para gasa kinahanglan he zezuwa he kilu he meupiya he kelasi he herina he edsehuǥan te senge litru he lana. Ne edlepikan heini te pemuhat he inumen he senge litru he vinu.

Numero 15:4 ပူးပေါင်းရင်းမြစ်များ

Ezra 7:17

Sigureduwa nu he heini he selapì egkeǥamit te kebpemasa te tudu he menge vaka, meǥurang wey nati he meemahan he menge kerehidu, menge trigu, wey vinu, he ibpemuhat diyà te pemuhatà diyà te valey te Megbevayè niw ziyà te Jerusalem.

Exodus 29:40

Dutun te kebpemuhata nu zuen te kerehidu te meselem, ne pemuhat ka te zezuwa he kilu he meupiya he kelasi he herina. Sehuǥi nu heini te senge litru he lana te veǥas te mibevayu he ulibu. Pemuhat ka zaan te senge litru he vinu he pemuhat he inumen.

Isaias 66:20

Ne id-ulì dan is langun he menge zuma niw he Israilihanen puun keniyan he menge nasyun; ne ed-untud dan te menge kudà, menge mula wey menge kemilyu, wey menge kerwahi wey kerumata. Edumahan dutun te menge menunudtulà sikandan diyà te segradu he vuvungan ku ziyà te Jerusalem su iring sikandan te pemuhat kayi te kediey. Iring heini te ebeelan te menge Israilihanen he ed-uwit diyà te valey ku te menge pemuhat he para gasa he intaǥù diyà te lumpiyu he teleǥuey.

Ezekiel 46:14

Idlapik kayi te kerehidu is pemuhat he para gasa he heepat he kilu he herina, wey senge litru he lana te ulibu he para idsahug te herina. Heini he sulunuzen is mehitenged te pemuhat he para gasa kinahanglan he edtumanen taman te taman.

Leviticus 1:13

Kinahanglan he lùlui zuen te nemuhat is menge vahin he ziyà te seled te ǥetek wey is menge paa kayi. Ne iyan en haazà is memumuhat edtutung dutun te langun diyà te pemuhatà te pemuhat he edtutungen. Is kehemut kayi he pemuhat te pinaaǥi te hapuy ne ebpekepenunuat te Nengazen.

Leviticus 14:10

Dutun te ikewalu he andew, kinahanglan he med-uwit sikandin te zezuwa he meemahan he kerehidu wey sevaha he vehiyan he kerehidu he senge-tuig is keǥurang he wazè din sazir. Med-uwit daan sikandin te heenem he kilu he meupiya he kelasi he herina he midsehuǥan te lana he pemuhat he para gasa. Wey med-uwit pa sikandin te senge vasu he lana.

Leviticus 2:1

Emun duen ebpemuhat te pemuhat he para gasa te Nengazen, ne ǥemita zin is kineupiyahan he kelasi te herina, ne sehuǥi zin heini te lana wey veyewà.

Leviticus 2:15

Sehuǥi niw heini te lana wey veyewà. Pemuhat heini he para gasa.

Leviticus 23:13

Lepiki niw heini te pemuhat he para gasa he heepat he kilu he meupiya he kelasi te herina he midsehuǥan te lana, wey senge litru he vinu he pemuhat he inumen. Pemuhat heini he pinaaǥi te hapuy, is kehemut kayi ebpekepenunuat te Nengazen.

Leviticus 3:7

Emun kerehidu is ibpemuhat din diyà te Nengazen,

Leviticus 6:14

Iyan heini menge sulunuzen mehitenged te pemuhat he para gasa: Is menge memumuhat he menge kevuwazan ni Aaron iyan ed-uwit kayi he pemuhat diyà te etuvangan te Nengazen diyà te egkesineruwan duen te pemuhatà.

Malakias 1:11

Ebentuǥen a ziyà te menge nasyun puun te kedsilà te andew pehendiyà te kedsanlep kayi. Ebpemuhaten a te veyewà wey lunsey he menge pemuhat diyà te langun he lugar, su ebentuǥen a ziyà te menge nasyun. Iyan a, is Nengazen he Mekeǥeǥehem, is migkaǥi kayi.

Numero 28:12

Lepiki niw heini te pemuhat he para gasa he meupiya he kelasi te herina he midsehuǥan te lana–heenem he kilu is idlapik te kada sevaha he turiti he vaka, heepat he kilu is para te meǥurang en he kerehidu, ne zezuwa he kilu is para te kada nati he kerehidu. Menge pemuhat heini he edtutungen, is kehemut kayi ebpekepenunuat te Nengazen.

Numero 28:4

Sevaha is ibpemuhat niw emun meselem ne sevaha zaan emun mahapun.

Numero 29:6

Ipemuhat niw heini he id-uman duen te vinulan wey kada andew he menge pemuhat he edtutungen he edlepikan te menge pemuhat he para gasa wey pemuhat he inumen. Menge pemuhat heini he pinaaǥi te hapuy, is kehemut kayi ebpekepenunuat te Nengazen.

Zatù 9:9

Ne midtavak haazà is ulibu te, ‘Kenà egkehimu su lavew he meupiya is kebeǥey ku te lana he ǥelemiten te kebeǥey te zengeg te menge ed-ezapan wey te menge etew, kenà te kedhedii ku keniyu.’